於學校工作的第一天

今日第一日返學校工, 要6點几起身, 尋晚臨瞓又驚唔知醒, 所以瞓得唔好, 瞓咗好似冇瞓過咁…返到學校認識咗啲新同事, 大約知道要做啲咩工作, 大致上冇咩問題…全日最得意嘅位置就係last 嗰堂我要落hall 睇住班學生上週會, 今次主題係詩歌分享, 但係呢, 唔知點解會唱<愛得太遲>、<最佳損友>, 詩歌反而唱得兩首, 而班學生又真係好投入咁企晒起身跟住唱, 好搞笑…可能太耐冇踏足過中學嘅hall, 入到去又令我諗番起以前讀書時嘅情景, 好懷念…

今日第一日總算無驚無險咁過咗, 希望之後都一樣順利...


P.S. Able 今朝撞到一個舊同學, 從呢個同學口中得知另一個同學嘅近況, 哈哈哈~真係好搞笑, 多謝寶B 話俾我听… ^o^
P.P.S. 今日又收到助養小朋友寄嚟嘅信(其實係佢媽咪寫嘅, 佢都未識字), 佢媽咪話小朋友下個月就開始返pre-school 喇, 佢哋仲起咗間新屋, 真係好… T.T