被認出了

話說今日有個學生喺教員室門口嗌”Miss Wong, Miss Wong...”, 嗌咗几次都冇人理佢, 跟住有個miss 走埋嚟同我講原來個學生係搵我...第一次有學生搵我, 都有少少開心嘅, 因為其實冇乜學生知道我姓乜, 原來呢個學生就係早兩日上Oral 嗰班其中一個學生, 唔怪之得佢知道我姓乜啦...同埋呢, 佢問我啲英文點先會進步, 嘩, 喺呢間學校居然會有學生問呢啲咁有教育意義嘅問題, 實在太令人感動... T.T


P.S. 又係搞爛gag 嘅時間︰話說原來每一班裏面都會有一個學生負責收同學訂飯嘅order form, 呢位同學原來叫做「膳長」......真係唔該晒呢位「膳長」人翁...... ^o^