Dinner w/ Julissa

今日係頗為節目豐富嘅一日...

首先今朝一早就超趕超多嘢做、又要開會；跟住晏晝全部英文科老師總動員一齊去咗新達飲茶 + farewell 好好人嘅Evian、Caroline & Ms. Noreen；食完lunch 之後又好匆忙咁趕返去開會, 好攰啊...點解有咁多會開0架...?!

好不容易捱到放工時間, 拿拿聲碌落巴士站搭車出旺角同Julissa 食飯...喺見到Juli 之前又去咗買啲低B 無聊嘢俾自己, 我買咗一對着三點式嘅melody + kuromi 公仔, 本來諗住凈係買kuromi 0架咋(因為佢件bikini 靚啲 : P), 但係凈係得kuromi 一個又好似好孤獨咁, 所以就一次過買晒兩個喇...佢哋個衰樣真係好好笑... ^o^

買完公仔俾自己之後就meet Juli, 我哋去咗壽司亭食壽司, 一路食嘢例牌又係一路不停講嘢, 好開心呢...Juli 送咗一個好靚嘅貓貓牙籤座俾我, 好靚啊, 多謝Juli~遲啲調完位之後我會拎佢返學校做裝飾...

今日做咗好多嘢, 好攰好攰, 但係好開心... ^.^