開始發作了...

由今個學期開始我哋啲TA 日日都要喺兩個小息 + lunch time 上課室樓層當值(i.e. 行嚟行去睇住啲細路唔俾佢哋搞事), 上個星期都仲好好地, 今個星期佢哋就開始發癲喇...

今日佢哋玩得興起, 一路傾偈一路搞近住走廊嘅百葉窗, 搞搞吓一拍落塊玻璃度塊玻璃就裂咗喇, 仲要唔止一塊, 係連續兩塊, 唉...可唔可以唔好咁激動呢大哥...真係俾佢哋激死, 好彩冇整親啫, 如果俾啲碎片彈到割傷真係唔知點算...

唉...只不過係開學嘅第二個星期啫, 就開始嚟料, 遲啲唔知會變成點...求主保守帶領... ^.^"