心情不錯的一天

今朝一早老細又如常吩咐我做嘢, 講完一輪正經嘢之後, 佢問我張枱有冇得「攝」磁石, 我話冇啊, 跟住佢就拎咗一pack 貓貓磁石過嚟話送俾我, 呵呵~好開心呢~原來老細都知我鍾意貓 (其實我擺咗蓉蓉B 張相喺枱頭, 如果佢視力正常嘅話應該都睇到嘅... : P), 多謝老細啊~我嘅老細真係一個好到加零一嘅老細嚟0架... (好老土嘅助語詞 ^o^)

跟住今日又俾老細知道咗我當值嗰層嘅中二細路個個都叫我做萩姐 (其實都叫咗差唔多有兩個月喇), 唉, 我都唔知點解我個名一定會俾人加個「姐」字喺後面咁叫, 不過佢哋肯咁叫我即係代表佢哋應該唔憎我, 應該都係好事嚟嘅... ^.^

今日依然好攰, 不過好開心呢...