My fingers......

近呢几日啲手指其實腫腫地、有啲痛, 初時以為只係凍得滯凍僵咗、冇咁靈活啫, 但係暖番啲都仲係痛, 諗番應該冇整親, 唔知點解會咁...

夜晚爸爸話我應該係對手凍得滯, 所以關節位痛...佢幫我搽葯油, 搽嘅時候猛屈我啲手指, 超痛, 痛到眼水都流埋...不過搽完葯油好似舒服啲, 冇咁痛...

唉...我呢啲阿婆唔係好捱得, 可唔可以唔好咁凍呢???我日日都要喺走廊行嚟行去當值, 真係好鬼凍, 我哋嗰度仲要比大埔嘅「平地」低兩度左右, 真係凍到骨都赤~~~快啲回暖就好喇...