林峯Your Love 簽唱會

話說屋企部電視機上星期開始short short 地，上星期五媽咪終於去吉之島買過部新嘅，適逢今個星期有promotion 凡購物滿$800 就可以換一隻林峯CD + 簽名証，媽咪買完電視機幫我去換埋CD + 簽名証，所以今日我就100個無聊地同一班妹妹仔一齊企喺大埔超級城等林峯嚟唱歌、簽名喇...

其實我都有定心裡準備可能會見到學生，點知真係見到一個，我哋仲一齊企、一齊等，有個伴都好嘅，冇咁悶，不過真係有少少尷尬... ^.^"

林峯都幾nice，佢唱咗幾首歌，又同fans 玩咗兩個無聊遊戲，之後簽名嗰陣我同佢講中秋節快樂，佢都同我講番中秋節快樂啊~呵呵~我真係好無聊呀.................

P.S. 其實我一向都有少少鍾意林峯嘅，既然有簽名証，唔好0徙咗佢嘛... : )