探訪波波的姐姐和哥哥

之前提及過同事銓銓有意領養波波嘅家姐/哥哥，今晚放工就同佢一齊入元朗睇貓貓...

熟我嘅朋友都應該知道我認路有幾「叻」，幾經辛苦，終於安全地帶到銓銓去貓義工小姐嘅屋企...去到見到波波嘅家姐 & 哥哥，佢哋同波波真係一模一樣0架，只係size 唔同，好得意...佢哋都好健康活潑，又肯玩玩具，又唔怕陌生人，同波波啲性格一樣呢... ^.^

我哋同小貓們玩咗都有差唔多半個鐘，銓銓似乎都幾鍾意佢哋，仲好似有少少心思思想要晒兩隻0添呀...要啦要啦，一次過帶晒佢哋兩姊弟返屋企啦，咁我得閒又可以帶波波去佢屋企同家姐、哥哥玩嘛... : P