12/2009 月記

過咗頗為忙碌嘅11月，12月更加可怕...

1 - 18/12/09:
每到年尾又係交功課嘅日子，呢兩個星期差唔多每晚放工返到屋企都係睇readings，然後諗份功課應該點做，其實都好想快啲做完，了咗件心事，但係放工返到屋企真係好眼瞓，次次都係打咗少少嘢就開始眼瞓，好攰...

11/12 交第一份功課，18/12 交埋第二份，交完一身鬆晒，可以安心過聖誕... ︰)

23/12/09 (Wed):
唔使返工，約咗好耐冇見嘅Kennis 玩...我哋先去銅鑼灣食嘢、行街，然後去佢屋企又食嘢、傾偈、同佢隻賓尼兔 - 小賓玩...我哋好無聊，開住Youtube 啲歌跟住唱，根本同唱K 冇分別...兩個長氣人傾極都傾唔完，傾到兩點想返屋企，但係媽咪、Kennis 都話咁夜，不如喺佢度瞓到天光先走...於是我又喺Kennis 屋企玩過夜，同佢食埋早餐先返屋企...

原來我同Kennis 已經識咗8年，我哋約好10周年嘅時候食餐好嘅慶祝一下...多謝Kennis，可以識到佢呢個咁「特別」嘅朋友真係我嘅榮幸...︰D

25/12/09 (Fri):
呢日係我 (仲有同事銓銓) 洗禮嘅大日子，好開心好多好朋友、好同事、阿姨都抽時間嚟觀禮，排名不分先後，希望冇數漏，包括︰Didi、Ric、哥哥、Louise、Able、小姐、Wendy、Fanny、Esther、Gene、其偉、二姨、三姨、媽咪、爸爸、黃小虹。

其實成個浸禮我都好緊張，好驚自己論論盡盡失禮人，好彩最後都冇出事...呢日同大家影咗好多相，好開心，多謝大家嘅祝福、禮物...洗咗禮之後希望自己安排到多啲時間投入教會生活，最緊要係多讀聖經，成日俾人challenge 心情都唔係幾好...

26 - 27/12/09 (Sat - Sun):
呢兩日同同事Sam & Anna 去澳門玩咗兩日，食咗好多想食嘅嘢，雖然每樣都只係試少少，其實都食咗好多0架喇...

我哋仲去參觀好靚嘅教堂，又去行公園睇動物，two relaxing and happy days...

28 - 30/12/09 (Mon - Wed):
吃喝玩樂咗兩日，跟住呢3日就辛苦，呢3日要帶學生去河源交流團，朝朝天都未光就起身，除咗瞓覺嗰6個鐘，差唔多全天候看住班學生，好彩我看嗰班學生算乖，如果唔係仲辛苦...

Btw，感謝主保守帶領，呢幾日天氣都算ok，行程順利，希望佢哋喺嗰3日有所得著...

31/12/09 (Thu):
本來呢日喺屋企休養生息，心情尚算ok，但係講咗一個電話，心情又跌落谷底...唉...由除夕喊到元旦，呢個new year 對我嚟講一啲都唔happy...

「我雖然行過死蔭的幽谷，也不怕遭害，因為你與我同在，你的杖，你的竿，都安慰我。」(詩23:4) 我知道天父定必保守看顧...... ︰(

11/2009 月記

而家已經係2010年1月，而家先得閒打番啲entries，好慚愧...其實自開始寫blog 以來，真係未試過兩個幾月一篇entry 都冇打，唔想就咁荒廢咗個blog，所以要一次過簡短地update 番呢兩個月做過啲咩...

2 - 6/11/09 (Mon - Fri):
呢個星期係English Week，之前要prepare 呢個星期嘅遊戲 + board + idioms etc.，好忙...個人認為今年嘅English Week well-organized 過之前一兩年好多，學生都好似enjoy 過前一兩年，老師們 & 我嘅努力都冇白費，感恩...

希望之後嘅English Week 都好似今年咁成功就好喇...

8/11/09 (Sun):
呢日係團契懇親日，去南生圍 & 挪亞方舟，之前應承咗組長幫手喺旅遊巴上面帶一個簡單問答遊戲，都尚算順利...呢日雖然唔係同其他弟兄姊妹們 & their parents 傾咗好多偈，但係大家都玩得幾開心，期待下次再有機會同大家outing 一齊玩...

15/11/2009 (Sun):
呢日係同事廸廸結婚嘅大日子，朝早返完崇拜、數埋奉獻，就同其他同事去觀禮...廸廸今日好靚，佢老公阿堅都好靚仔，見到佢哋幸福開心嘅笑容，搞到我同Wing Wing 忽然恨嫁起嚟...

觀完禮，同同事們食咗個tea，本來諗住返屋企，Wing B 話約咗啲中學同學去唱k，問我去唔去，唔怕醜嘅我又無聊地跟埋去...Wing B 啲中同有啲都幾搞笑，佢哋仲講Wing B 嘅秘密俾我聽，笑死...

呢日好似做咗好多嘢咁，btw，Congrats to Tik & Kin!

19 - 30/11/09:
一年一度嘅校際朗誦節，今年有好多Form 1 同學報名參加，學校唔放心佢哋自己去比賽場地，所以我差唔多隔日就要陪佢哋去，一去就一個上晝，學校啲嘢都做唔切...又令我開始懷疑自己嘅工作能力，係咪真係慢得咁緊要...

經過呢個幾星期，我又開始唔舒服，咳 + 傷風，本來堅持唔食藥，但係咳得太緊要，食咗藥先好番啲...

忙碌嘅11月就咁過咗，緊接住係更忙碌嘅12月...

13/10 - 23/10 週記

Summary for recent 2 weeks...

13/10/09 (Tue):
放工之後約咗Able，買dinner 上佢屋企食...好耐冇見auntie，可以同auntie 傾吓偈真係好...食完dinner 睇咗一陣電視，之後同寶B 入房傾偈...

傾傾吓有電話，好曳地掛住講電話，悶親寶B 唔好意思...

聽日係一個特別嘅日子，點解仲會記得0架?仲記嚟做咩呢? ︰(

16/10/09 (Fri):
放工有TA 飯局，同阿曦、阿虹、Kelvin、其偉去咗九龍城食飯，食泰國嘢，食完仲去食糖水，好飽...

原來我哋都幾八卦，不停講人哋啲嘢 (嚴格嚟講都算係是非)，失禮晒... ^.^"

17/10/09 (Sat):
上晝要返學，放學之後約咗銓銓喺大埔中心食lunch...食完銓銓要返屋企攞相機，我又跟埋上去順便探Simba & 波子，Simba 同薯波真係好似樣，一樣唔怕陌生人，好得意... ^-^

攞完相機同銓銓出發去山頂睇超哥個雙鏡相展，波波好威水，佢張相出過兩次相展，又上過電視， 如果佢知道應該都覺得自己好威...

睇完超哥個相展，同銓銓搭巴士落中環，下次不論上山定落山都係搭纜車比較好，我哋搭巴士搭到一個頭暈一個作嘔，嗰十蚊真係唔慳得...去到中環兩個都頭暈暈、肚空空，去咗翠華食dinner，食完搭船返尖沙咀，喺LCX 行咗一陣就搭271 返屋企...

A tiring but relaxing day...

23/10/09 (Fri):
放工約咗Ceci、Michelle、好耐冇見嘅Grace 喺旺角食飯，我哋去咗食雲南菜，都幾好味... ︰P

呢餐飯我哋食足3個鐘，講咗好多學校嘅趣聞俾Grace 聽，一路講一路笑到肚痛，笑得太厲害咳到傻... ^o^

希望好快又可以再見Grace 啦...

3/10 - 10/10 週記

Busy week, summary again...

3/10/2009 (Sat):
中秋節，唔使返學...下晝同媽咪去咗大埔墟買餸，之後就返屋企...夜晚食完飯冇地方去，留喺屋企同蓉蓉、波波玩，跟住就瞓覺lu...

Not special but relaxing Mid-autumn Festival night...

4/10/2009 (Sun):
朝早返中堂崇拜，之後同阿姨婆婆飲茶，再之後又返教會幫手數奉獻...今次係我第一次幫手數奉獻，7個人數咗差唔多1個鐘，好厲害...

之後隔個星期日都要返教會幫手數奉獻，雖然只係小小嘅事奉，希望係一個好開始...

8/10/2009 (Thu):
學校旅行，今年終於都要一齊去...天氣好好，冇落雨又唔係太曬，真係好...

我跟Form 2 去馬鞍山郊野公園，初時仲擔心冇嘢食，到後來唔使自己燒，學生自動拎嘢俾我哋食，so good~

唔知係咪喺空曠地方嗌得犀利，再加埋食咗啲熱氣嘢，喉嚨開始有少少熱熱地，應該唔會喉嚨痛啩...

雖然有少少攰，但係可以同啲細路一齊玩都幾開心... ^-^

9-10/10/2009 (Fri - Sat):
又係一年一度嘅學校Retreat Camp，今年去烏溪沙，個campsite 雖然唔係好新，但係地方好大，行吓都好舒服...

其實個camp 嘅內容冇咩特別，反而有一個意想不到嘅位置...就係我哋居然喺嗰度見到林峯、馬國明拍戲~我哋差少少就可以同佢哋合照，不過因為工作人員阻撓，所以影唔到...嗚嗚~ ︰(

出咗camp 居然唔係好眼瞓，同老師 (Incl. Gene, Angel, Cathy, 仰) 去咗新世紀睇戲，睇《生命最後一個月的花嫁》，唉~我哋又俾啲trailer / 廣告呃咗，真係唔好睇，明明好簡單嘅情節拖到好長，睇到大家差啲瞓著...

睇完一場悶戲，我哋去咗Spaghetti House 食tea，食完笑完一大餐先返屋企...

呢兩日好充實，可以同老師們一齊渡過weekend 都幾開心... ^-^

國慶日afternoon w/ Wing Wing

今日冇特別嘢做，約咗Wing Wing 去銅鑼灣吓行街食吓嘢...

行街之前我哋去咗食lunch + tea，又去食rice pizza，都幾飽，食完已經4點幾...唔知係咪我哋呢啲新界人唔係好行得慣港島區，行咗兩個商場都覺得唔係幾好行，啲嘢又唔啱買，所以行吓睇吓算喇...

行到6點左右，骨精Wing 約咗媽咪返大陸揼骨，Wing Wing 帶我去食埋超好味心太軟就搭車走喇...呢個心太軟真係好好好好味，好濃朱古力味，再加埋個Vanilla 雪糕，一凍一熱，好好味~ ︰P

多謝Wing Wing 今日陪我玩(食)咗一個下晝，thank you~ ^3^

BBQ w/ 團契組員@Kitty's home

今晚同團契組員 (Incl. Kitty、Fanny、Rachel、Tina、Heidi、Man、Viola、Alice、Elsa、美儀) 家聚，去咗Kitty 屋企BBQ，多謝Kitty、Kitty's daddy、Kitty's mammy 嘅款待，真係打攪晒...

今晚食咗好多好味嘅嘢，有海鮮、豬扒、雞翼 etc.，之後仲食Haagen Dazs 雪糕月餅、生果，好飽...今晚同大家傾咗啲偈，又熟絡咗少少，a nice gathering... ︰)

返到屋企沖完涼打電話俾Wing Wing，由12點幾講講講，講到4點先收線，好癲...好多謝佢捱眼瞓陪我講咁耐...聽日又可以見Wing Wing，haha~

Dinner w/ colleagues @ UCC Cafe

尋日係Ceci 生日，今晚約咗老師們 (Incl. Ceci、Michelle、Candy、Angel、Kenise & 明芯) 去沙田UCC Cafe 食飯幫Ceci 補祝生日...

唔知點解每次我哋去UCC 就會諗到好多搞笑嘢 (e.g. 如果第二日打風落雨唔使返工嘅話，我哋做咩好)，又講起好多人哋嘅笑料，好低b，但係真係好好笑... ^o^

今晚又食咗好多好味嘅嘢，yummy~

Looking forward to our next gathering! ^-^

筠姐結婚了~

今日係筠姐結婚嘅大喜日子，好開心啊~

今日行程有少少緊湊︰
1. 8am 起身梳洗妝身去ied 返學；
2. 2pm 約咗Percy、Kitty、哥哥、哥哥's 女朋友 -- Louise (Nice to meet you!) 搭車去科大觀禮；
3. 之後去Mega Box 閒hea 等夠鐘飲喜酒，飲完返到屋企11點幾...

今日筠姐好靚、新郎(Nice to meet you too!) 又好靚仔，祝佢哋相親相愛、永遠幸福!

20/9 - 25/9 週記

今個星期好似有啲攰，又懶，打summary 算喇...

20/9/2009 (Sun):
下晝上嫲嫲度坐咗一陣，然後同黃小虹行旺角，食埋飯先返屋企...好耐未試過同黃小虹兩姊妹一齊行街傾偈，感覺真好... ︰)

22/9/2009 (Tue):
如常工作，放工之後同阿姨、婆婆佢哋提早食中秋節飯...我懷疑食完一大碗飯再食咗啲糯米飯所以食滯咗，個肚好似脹住脹住咁，我同媽咪講我有咗4個月BB... ^-^

23/9/2009 (Wed):
繼續如常工作，放工之後約咗小姐喺大埔食飯，小姐又陪我去食仙茶居(人哋而家改咗名叫日月居，但係都係叫慣仙茶居)，又飲我的最愛--茉香珍珠，好味~食完飯小姐陪我行返廣福搭車，一路行又一路講無聊嘢，講開Mickey Mouse 把聲好虛，又笑死咗... ^o^

24/9/2009 (Thu):
學生提早咗少少放學，2:30pm 開始開埋上次未開完嘅Staff Meeting，坐到差唔多6點先開完，好攰...跟住又要返學，多謝小雲老師順路車我返學，唔使自己搭巴士返已經好好多喇...

25/9/2009 (Fri):
今日約咗超過半年冇見嘅Able 食飯，好耐好耐冇見過寶B，有好多嘢想同佢講...我哋去咗沙田食飯，食rice pizza，幾得意，我哋又叫到一枱都係嘢食，差唔多食晒，好得人驚...最恐怖嘅係食到咁飽，之後仲去Ruby Tuesday 食dessert，好好味，不過真係飽到上心口...

好多謝long time no see 嘅寶B 請我食咁豐富嘅dinner & dessert，好多謝佢啊~我哋以後要keep 住見多啲，我唔想又半年先見佢一次... ︰(

Interesting lesson + dinner w/ Wing Wing

今朝要返學，起身嗰剎那又有少少情緒，好彩之後上完堂就冇事...

今日上堂教NSS 其中一個elective - Poems & Songs，上堂嘅時候我哋每人作咗兩篇poems，都幾好玩...我諗到真係要教嘅時候啲細路應該會肯試作...

放學之後同兩個同學喺大埔中心食完lunch 就搭車出旺角閒逛，哈哈~終於買番孝天今年1月出嘅第二隻個人專輯《Getting Real》，收到咁埋都俾我搵到，真係好...

買完CD 唔知做乜好，約咗Wing Wing 6點半行街食飯又未夠鐘，忽然好想去搞搞個頭...我知，我知我少頭髮，但係真係keep 住鬈頭髮好耐，把心一橫拉番直佢...好耐冇試過整頭坐咁耐，坐足4個鐘，坐到腰骨有少少痛，不過好開心，因為間salon 播Aaron 《舞林正傳演唱會》VCD，睇晒成場，好感動...整完個頭其實唔係好睇得慣，不過Wing BB 話ok，應該ok 啩...

今晚同Wing BB 去咗譚魚頭打邊爐，又一邊食一邊勁講嘢，我諗我哋有語障，一係講到啲嘢lur 埋一舊，一係就調轉晒啲字嚟講，笑到肚痛... ^o^

To Wing BB: 多謝你抽時間聽我講嘢/陪我，同你一齊好開心...你都要加油，唔好俾咁大壓力自己，盡力做好自己份內事就可以，如果唔開心記得記得記得話我知啊! ︰)


P.S. 前晚又自言自語咗一輪 (陳年精神病又復發)，忽然諗到一樣嘢，又覺得自己好低能，天呀~到底我要到幾多歲先會冇咁低能呢?

失控

再堅強嘅人都有失控嘅時候，何況我一向都唔係十分堅強嘅人，失控嘅情況更為頻密...

夜晚開電腦，諗住開MSN，點知黃小虹被逼upgrade 咗新version 之後就connect 唔到...又係咁，好無奈、好沮喪、好煩，之後又趁機發咗一陣癲...呢幾日啲眼淚可以out of control 地流，好辛苦...

點解?係咪我細個喊得太少，而家大個要喊番夠本?如果係咁嘅話，我諗應該差唔多喇... ︰(

With God, all things are possible...

今日返團契，睇咗一套戲叫《Facing the Giants》(It's about American football, 詳情可參閱以下link: http://www.facingthegiants.com/home.php)，主要描繪一位教練如何運用聖經/宗教train 學校嘅football team...

成套戲都幾感人，見熄晒燈冇人睇到，又忍唔住趁機喊咗一陣...

最感動其實係差唔多ending 嘅時候，主角講咗句"With God, all things are possible." Yup, our God is so mighty and so kind to us...

開水喉again

大件事...

個出水總掣開咗熄唔到，今日睇咩都喊得一大爛餐，對眼好澀好攰...

救命~好想摑自己兩巴打暈自己，暈咗、瞓咗就咩都唔使諗...

-----------------------------------------------------------------------------------------------

今日喺Facebook 見到一個invitation，睇咗入面啲內容，啲貓貓全部都好慘...佢哋都有生命，點解啲衰人要咁對待佢哋呢?

我申請咗助養其中一隻叫上水嘅英國短毛貓，如果大家都有興趣助養啲貓貓，可以click 下面條link 睇吓佢哋嘅故事，我代啲貓貓多謝大家支持!

群貓助養計劃
http://www.elaine-chan.com/phpbb//viewforum.php?f=37

最後

我諗今次應該係最後一次...

原來人抵禦同一個傷害嘅能力會一次比一次高，今次冇上次咁傷心，但係總有少少難過...雖然未曾開始，但係隱隱作痛嘅感覺依然強烈...

多謝最錫我嘅哥哥嘅安慰，佢永遠都係我嘅最強後盾...由得我又做一排喊包，然後我會乖0架喇... T.T

今日不停哼住呢首歌，當作鼓勵自己...又，希望你都會生活得好，受傷嘅地方早日康復...

http://www.youtube.com/watch?v=dZrQ_rtmCJc

《分手快樂》梁靜茹

我無法幫你預言 委曲求全有沒有用
可是我多麼不捨 朋友愛的那麼苦痛
愛可以不問對錯 至少有喜悅感動
如果他總為別人撐傘 你何苦非為他等在雨中
泡咖啡讓你暖手 想擋擋你心口裡的風
你卻想上街走走 吹吹冷風會清醒得多
你說你不怕分手 只有一點遺憾難過
情人節就要來了 剩自己一個
其實愛對了人 情人節每天都過

分手快樂 祝你快樂 你可以找到更好的
不想過冬 厭倦沉重 就飛去熱帶的島嶼游泳
分手快樂 請你快樂 揮別錯的才能和對的相逢
離開舊愛 像坐慢車 看透徹了心就會是晴朗的
沒人能把誰的幸福沒收 你發誓你會活的有笑容
你自信時候真的美多了

Couldn't sleep well

呢幾日心情唔係幾好，渴睡嘅人居然會瞓唔著、瞓得唔好...

呢種唔係唔開心，但係個心硬係有啲嘢嘅感覺好差...

今日忽然又諗通咗少少嘢，希望諗通之後實踐得到，否則啲眼淚就會白流...

開學週

今個星期學生開學，唔知點解好似好多嘢做咁，所以有少少攰...

另外，星期四、六開始返Ied 上堂，今個sem 呢兩個module 好似幾有趣，希望自己會留心聽書...

----------------------------------------------------------------------------------------------

今日返崇拜，思惠姐姐講道嘅時候講咗一句說話，聽完之後覺得好有感動...佢話我哋用心去愛人就要預咗一定會受傷害，除非我哋以後都唔去愛人，否則要有心理準備會受傷...

聽完思惠姐姐咁講，嗰一刻忽然諗起好多人...諗起屋企人；諗起一啲好耐冇聯絡但係曾幾何時好熟嘅朋友；仲有我心裏面成日記掛住嘅人...冇錯，要愛就要付出，不過當你不停付出然後零回報嘅時候，真係會好傷心失望...

之後唱咗首詩歌，好好聽、好感動...

《以愛還愛》
賜下祢恩光　照亮我心房　不會再驚慌　為祢奔走飄遠方
那懼怕奔波　靠在祢身旁　竟為我擔當　讓我罪裏得釋放
凡失喪的　呼喊的　祢都親手撫摸　讓不朽的　溫暖的真愛　療治痛楚
主　祢當得敬拜讚美　祢恩典覆蓋這地
頌唱和撒那歌聲全為祢起
榮耀頌讚歸與祢 讚美祢關心親切細膩
用愛還愛這奇妙道理　一生都銘記

作戰開始

眨吓眼，今日就係31/8，暑假過得真係快，聽日又係新學年嘅開始，又要開始作戰...

大概預計到來年科/自己都會有少少忙亂，希望亂得嚟不至於出錯...

大家都要加油啊~

God bless all of my colleagues (especially my Panel Head Richard and Gene) and my lovely students! ^-^

悠閒的一天

今日有少少唔舒服，全日留喺屋企冇出街...

下晝睇咗尋晚買嘅其中一隻VCD《藝伎回憶錄》，其實呢套戲幾年前上畫嘅時候已經好想睇，唔記得咗最後點解冇睇到...今日喺屋企好留心咁睇，都幾好睇，章子怡真係幾靚...不過呢套戲明明講日本，但係所有演員都講英文，有少少格格不入嘅感覺，怪怪的...

睇完VCD，無聊地喺moov 聽歌，泳兒首新歌《一撇》越聽越好聽...

http://www.youtube.com/watch?v=IrcYTq38xdg

《一撇》 泳兒

兒童節 有約嗎 陪陪我 去半島喝茶
在你口中 太像笑話
原來你 有意嗎 為何你 從來沒有放話
害我差點 約會了他

一撇也好 足已令我 飄上了天花
開了這一筆 也未算差
就算你我 再欠十劃
至寫得出 真的愛嗎
但你與我 那個後話
今日至少 將漫長留白 劃破了 像嫩芽
慢慢種滿 密密麻 的牽掛

現在算 愛侶嗎 尚未算 也算飲過茶
尚有一些 似霧似花
但是我 介意嗎 十劃裡 原來在這撇下
尚欠三點 至像愛嗎

一撇也好 足已令我 飄上了天花
開了這一筆 也未算差
就算你我 再欠十劃
至寫得出 真的愛嗎
但你與我 那個後話
今日至少 將漫長留白 劃破了 像嫩芽
逐字每句 慢慢爬
將頁頁種滿 密密麻
日後會 滙集成 詩歌嗎

是亂嗎 似愛嗎
下面會 再有三點嗎

20/8 - 28/8 週記

放埋今個星期假暑假就完，如果要約大家食飯傾偈，今個星期係最後機會喇，開學之後恐怕我會冇乜時間/精力見大家... T.T

以下係今個星期特別事項summary...

20/8 (Thur) :
又係開學前嘅教師發展日，今次都係去沙田突破青年村day camp，個人認為今年好玩過上年好多，因為有集體遊戲玩，大家似乎都玩得好投入、好興奮...

完咗教發日活動，即興地同Angel、阿仰、其偉4個人去咗唱K，雖然呢個組合有啲奇怪，不過人少少反而可以唱多啲歌，4個人唱咗3個鐘，very good~ ^.^

26/8 (Wed) :
夜晚約咗Wing Wing 食飯補祝佢生日，佢下晝順便返嚟學校探大家兼陪我做嘢...

等我放工之後我哋去咗大埔中心Shakey's Pizza 食飯，我諗我哋真係生大食積，兩個人食2人餐都唔夠飽，仲要order 多1個長通粉，連經理都忍唔住笑我哋，講咗句「你哋都幾食得喎...」，陰公... ︰(

Wing Wing 又好認真地幫我分析關於工作/前途嘅問題，佢嘅好意我完全明白，我知應該點做...我會試一試0架喇...Thanks sister~

27/8 (Thur) :
夜晚約咗肥佬哥哥、筠姐、Kitty 去尖沙咀大吉食日本嘢，我哋近幾次嘅飯聚都喺呢度食，相信之後應該都會成日去0架喇...heehee...

好開心又可以見到佢哋，大家都要努力做嘢、小心身體 (尤其筠姐)，hope to see you all soon!

28/8 (Fri) :
今晚約咗Ceci、Michelle、Kenise、Candy、明芯去旺角潮樓食飯，我哋由8點食到11點，傾咗好多偈，又講咗好多無聊嘢，好好笑...

我哋又提起Gene，佢病咗唔止兩個月喇，遲啲開學如果佢仲係咁虛弱真係擔心佢應付唔到工作...希望佢快啲好番...God bless her...

P.S. 多謝大家請我食飯補祝我生日，啲嘢食好好味，下次再去過~ ︰P

8/8 - 15/8 週記

唔知點解今個星期好似冇乜時間打blog，好懶，summarize 呢個星期某啲特別事算喇... ︰P

8/8 (Sat) :
靚女Wing 生日，下晝同佢 & 佢個friend 去咗深圳揼骨...可能個師傅太好力 (女師傅都咁大力)，佢幫我揼完背脊之後仲痛過未揼，不過對腳真係鬆咗少少... ︰D

揼完骨，Wing Wing 趕住返馬鞍山同屋企人食飯，我就返屋企...

To Wing Wing: 今日冇好認真地同你慶祝生日，sorry 呀! Anyway, Happy Birthday! 祝你身體健康，日日都開開心心，快啲搵番個BB 豬錫你啦~ ^-^

12/8 (Wed) :
夜晚同小姐喺大埔中心食飯，又傾咗好多偈...食完飯我哋仲去咗McDonald 食雪糕，好開心... ^o^

13/8 (Thur) :
放工之後同Bridging Course 嘅同事去唱K，仲叫埋Wing Wing 一齊嚟唱，heehee...由6點半唱到12點，雖然好想繼續唱，但係真係好眼瞓...今晚都玩得幾開心，有機會再約過...

15/8 (Sat) :
一直好想換咗房張書枱做書櫃，今日下晝冇嘢做，自己一個去咗沙田宜家傢俬買咗個書櫃，下星期三送貨...

買完書櫃，返到屋企食完飯開始執嘢，執咗好多應該唔會再睇嘅舊書出嚟，又執咗一大袋小學/中學同學寫俾我嘅信/生日咭/聖誕咭出嚟...一路執一路睇啲信/咭嘅內容，點解當時會寫埋啲咁低B 嘅嘢0架?好好笑...其實真係唔捨得掉啲信同咭，但係唔留得咁多，惟有掉啲信紙都開始發黃嘅信啦...

執嘢執到有少少攰，只係換書櫃都執咁耐，如果第時搬屋要執幾多日呢?Can't imagine...

Malaysia Trip w/ Wing and her parents

3-7/8/09 同Wing Wing、仲有佢daddy、mammy 一齊跟團去馬來西亞玩咗5日，今次終於順利到埗，上次去台灣嘅失敗陰影真係唔講得笑...

由於我哋都唔係好識游水，又唔太鍾意陽光與海灘，所以今次我哋只係喺吉隆坡、馬六甲、迪臣港、雲頂遊覽，雖然只係不斷行行行、影影影、食食食，但係好悠閒、好舒服...

其實我哋今次啲行程冇乜特別、冇乜驚喜，但係好彩有個好識搞氣氛嘅導遊連續5日無間斷地引我哋兩個「笑女」笑，真係笑足5日，所以成個trip 一啲都唔悶... ^o^

呢5日可以同Wing Wing 玩好開心，更加多謝auntie、uncle 嘅照顧，佢哋呢5日無端端要照顧多一個大女，辛苦晒...

希望好快又有機會同Wing Wing 去旅行啦...


P.S. 出發前兩日嘅一通電話，令我今次嘅旅程玩得更安心、更盡興，thank you~ ^-^

2009 中一適應課程圓滿結束

今年嘅S1 Bridging Course 終於圓滿結束，thanks God...

今日係結業禮，其實有少少想同我班學生影啲相留念，不過今日時間實在太緊迫，完全冇空間做呢樣無謂嘢，所以只係喺操場匆匆忙忙影咗兩張大合照，都好過冇... ︰)

總結今年嘅感想︰自我感覺良好。可能因為有實習嘅經驗，覺得自己今年handle 各樣事情都比前年好，再加上今年有一位好幫得手嘅partner 幫我 (雖然有時佢會忙其他嘢唔得閒理我 ︰P)，所以感恩地冇出現咩大問題...

同埋最最最重要嘅係，今年我班學生超乖，乖到初時我有少少擔心佢哋會冇反應...好多謝佢哋呢兩個星期咁合作，喺適當嘅時候都會好投入、好有反應，真抵錫... ^3^

Last but not least, 我覺得今年同啲同事合作/相處得非常愉快，多謝大家嘅包容、幫忙，thanks a lot~

忙碌但充實的一星期

今個星期好似好忙咁，其實只係忙住做Bridging Course 啲嘢，英文科啲嘢完全冇做過，而家成枱都係未放番原位嘅書 (我已經將佢哋移晒去Ceamy 老師枱面喇，哈哈哈~借嚟擺住先啦，佢咁好人應該唔介意嘅)，等完咗Bridging Course 先執喇...

今個星期雖然忙，但係忙得嚟都幾開心，除咗因為又有得入班房教書之外 (雖然只係教簡單嘢)，仲有一個頗為重要嘅主因......或者咁諗真係好傻，不過學Wing Wing 話齋，可能咁樣都係一種幸福呢... ^-^

Still have 1 week to go, let's add oil together!

2009 S1 Bridging Course commences

今年嘅中一適應課程開始喇，今日又舉行咗一個頗為認真嘅開學禮，今日第一次見我嗰班嘅小朋友，first impression 覺得佢哋比較文靜、怕醜，冇其他班咁活潑，希望佢哋warm up 之後會肯講多啲嘢啦...

講番個開學禮，其實我只係負責打PowerPoint & 帶唱校歌，唔知點解會變成其中一個嘉賓，要坐出台前面，有點兒搞笑... ^.^"

一諗起由聽日開始要上堂、又要不停講嘢就有少少擔心，因為我啲感冒好似仲未清，把聲仲未開，又變咗爛聲人...希望過兩日會好啲啦...

Hope everything would be fine...

8號風球的晚上 + 換電話

尋晚12點前都仲好開心，因為收到Julissa 喺美國打俾我嘅長途電話，其實佢之前打過幾次電話俾我，但係因著各種原因我都聽唔到佢嘅電話，今晚終於聽到喇，好開心~Juli 話我知佢喺美國已經搵到工，仲講咗好多其他生活上嘅趣事俾我聽，知道佢喺嗰邊生活得開心就好喇，感謝主...

同Juli 講咗差唔多一個鐘電話，冇幾耐就掛8號風球，起初都只係好大風，只係吹到啲窗砰砰嘭嘭...但係過咗1個鐘左右就開始唔對路，冷氣機與窗框之間嗰條罅開始滲水，天呀~係3個冷氣機位一齊滲...唉...同媽咪一齊用膠枱布、膠盆盛住啲雨水，搞到4點幾先有得瞓...
死啦，而家風季先開始，希望今年唔好打咁多風，就算打都唔好打正我屋企個方向啦唔該... T.T

------------------------------------------------------------------------------------------------

近呢個星期我部電話唔知點解個mon 成日無端端自動變黑 / 自動熄機，我諗佢都係命不久矣，參考各方好友 / 媽咪嘅意見，大家都叫我趁佢未壞得晒快啲trade 咗佢換過部新機...尋日媽咪陪我去買咗部新電話，希望呢部唔好咁快壞...

正因為換電話，我尋晚又做咗啲好無聊 + 好白痴嘅事...好耐冇試過抄咁多字，抄到隻手指有少少痛...Though it's silly and time consuming, I do believe it's worth to do so... : )

Lunch w/ colleagues & watch 《殺人犯》

今日lunch 同同事們出街食飯，一行13人去咗和民 (其實應該有14人先啱，不過我唔記得咗召集一個同事，好論盡，真係唔好意思)...

多謝大家請我哋 (除咗我，仲有Cindy & Fanny) 食飯補祝 / 預祝我哋生日... ^-^

----------------------------------------------------------------------------------------------

夜晚放工約咗筠姐、Kitty、Kitty's 家姐一齊去睇《殺人犯》，我哋初時以為有7:30pm 場，去到先知道原來下一場要等到9:40pm，er...有少少搞笑...
雖然係夜咗少少，不過一心去捧Aaron 場嘅我哋都唔介意，惟有去食飯先，食完先去睇戲...唔知係咪搭車嗰時吹一吹風，食飯嗰陣一邊食一邊開始流鼻水、咳、喉嚨痛，應該係作感冒...食完飯去睇戲，一邊睇一邊流鼻水，好辛苦... : (

講番套戲，我覺得Aaron 做得好好，佢真係肉緊到頸筋 (唔係帶嗰啲頸巾 ^o^) 暴現，唔怪之得佢話拍呢套戲嗰排精神壓力好大喇...其實戲入面嘅血腥場面都唔係好恐怖，最恐怖嘅係筠姐間中會嚇到尖叫，我俾佢啲尖叫聲嚇親多啲...haha...
今晚終於捧咗Aaron 場，遲啲出VCD / DVD 一定要再睇多一兩次...

今晚真係唔係好舒服，下星期中一Bridging Course 就開始，如果到時傳染啲細路就唔好...聽日一定要去睇醫生先得，又要食葯，唉...... >.<

洗禮班．第一課

今日如常返工，放工之後同銓銓食個早飯，然後返教會上第一堂洗禮班...

睇番原本嘅schedule，洗禮班應該由7:30上到9:00，但係思惠姐姐話因為太多嘢要講，所以由今堂開始會改為由7:30 上到9:30...兩個鐘，越上越眼瞓... =.=

呢兩日又開始有兩聲咳，弊...

濕．熱

今日如常返崇拜，跟住返團契...

尋日應承咗爸爸今日一定會上嫲嫲度，所以團契未完就出咗去...嫲嫲屋企真係好熱，猶如一個焗爐，之後仲要做咗一輪體力勞動，熱到差啲抖唔到氣...真係熱死冇命賠... =.="

又，話說我嘅濕熱性肚痛已經維持咗整整3日，今日 & 尋日各飲咗一碗真材實料袪濕茶，今晚已經唔再痛喇， I love 袪濕茶~ ^3^


P.S. 我諗我又睇咗啲唔應該睇嘅嘢，係咪block 咗佢唔知、唔睇比較好?但係呢個方法治標不治本，要對症下葯先可以解決根本問題...唉...

Watch movie & dinner w/ 小姐 & Wendy

今日好開心，因為約咗小姐 & 好耐冇見嘅Wendy 去睇《冰河世紀3》，其實我冇睇過第一、二集，凈係知道應該幾好笑...睇完之後，發覺小姐真係冇介紹錯，啲笑位由頭到尾冇停過，笑到好辛苦... ^o^

睇完戲，我哋去咗食飯，今晚食泰國菜，雖然啲餸有啲辣，但係我居然食到少少，比起以前已經係一大進步...

今晚兩位美人又唔肯收番我錢，請我睇戲 + 食飯，thank you~ ^-^


P.S. 親愛嘅小姐又做咗啲我認為「好有型」嘅傻事，唔知結果會係點呢?希望小姐唔會再一次失望...

Dinner w/ Ric, Didi, Percy & Lolo

今晚約咗Ric、Didi、Percy、Lolo 喺大埔中心Shakey's Pizza 食飯...多謝Ric organize 呢餐飯，更加多謝佢分享嚟餐廳途中嘅「趣事」，我覺得呢個位置係全晚最好笑嘅位置，諗起都好想笑... ^o^

多謝大家請我食飯，可以見到大家真高興...得閒我哋要見多啲，update 吓大家近況...


P.S. 今日食完lunch 之後個肚無端端好痛，應該又係濕熱嗰種痛...聽日要去飲袪濕茶先得喇... : (

Dinner w/ Wing Wing @ Mong Kok

今晚約咗Wing Wing，先同佢去睇衫，之後再陪佢去買Grad Din 抽獎禮物，行到9點半我哋先去和花亭食壽司...

因為我哋好遲先入坐，坐低嗰陣已經差唔多last order，兩個肥妹又驚死唔夠飽叫咗好多嘢食，到最後食唔切 + 食唔晒，要take away...

多謝Wing Wing 今晚請我食飯，又食又拎真係唔係幾好意思...又多謝佢嘅手信 + 生日禮物，thanks so much~ ^-^


P.S. 早兩日又做咗啲我認為好傻嘅事，不過聽完小姐嘅故事之後，忽然有以下感想︰
We have to treasure our time and opportunities to do what we think are worthwhile, otherwise we must regret when we are in the heaven...

買相框 + 切蛋糕

今日如常返崇拜，完咗同銓銓去食lunch...食完lunch 銓銓話唔想返屋企住，就叫佢陪我去德福宜家傢俬買相框放超哥幫波波影嗰張相...

去到德福，竟然見到林峯喺商場簽緊名，原來佢喺嗰度有簽唱會，如果早啲知道我就早啲去啦，不過都借銓銓部相機遠距離影咗幾張相，好過冇... ^^

跟住行宜家，揀咗好耐，終於買咗個應該啱size 嘅相框...買完去美心攞咗個蛋糕，跟住就搭車返屋企...

夜晚食完飯，同3/7 5歲生日嘅蓉蓉一齊切蛋糕，希望蓉蓉身體健康、乖乖地、唔好咁惡死... ^-^


P.S. 今晚臨瞓前，銓銓喺MSN 講咗啲嘢俾我聽，個心又有少少唔知點咁...唔好諗唔好諗唔好諗唔好諗...

一年一度之牛一

今日又係一年一度嘅牛一，唔使返工，成日流流長，總算有街去、有啲特別嘢做過...

下晝Didi 約我喺apm 食tea，我哋去咗意粉屋，一人一個set，好味...多謝Didi update 咗佢嘅最新動向俾我聽，都多謝佢嘅耳環，好靚... ^^

同Didi 食完tea，又返大埔同肥佬哥哥、筠姐、Kitty 唱K，唱咗好多舊歌，其中唱咗Sammi、許志安演唱會medley，其實許志安啲歌都幾好聽，唱完唔知點解仲不停哼住《心血》...
我哋走嘅時候發生咗「走鬼」事件，哈哈~真係好好笑...... ^o^

今晚多謝3位俊男美女陪我過生日，更加多謝哥哥送俾我嘅靚錶錶 & 筠姐送俾我嘅mioggi (雖然唔係好識用)...多謝大家~ ^-^


P.S. 今年send SMS / MSN / Facebook message、打電話俾我嘅朋友比往年多，所以唔打算逐一喺呢度鳴謝大家喇...再一次多謝大家記得我呢個鵪鶉人生日... T.T

Pre B-day events & Yung Yung 5th B-day

今日好似好忙咁，全日冇停過手，好彩要做嘅嘢總算做完...Thanks God...

今日好開心，因為收到Ceamy 老師提早送俾我嘅生日禮物，呢份係我今年收到嘅第一份生日禮物，係靚靚Melody 筆，我諗我會唔捨得用...

跟住又收到Ceci 送俾我嘅好靚好靚好靚 (x 48次) 貓貓杯 & card，真係好靚啊~多謝Ceci~

然後又收到Rebecca 嘅姆明餅餅，多謝Rebecca~

跟住lunch time 首領請英文科同事飲茶，一行14人去咗新達，食到尾聲，居然有壽包嘅出現，大家仲為我唱生日歌 (註︰係傳統中文版)，好搞笑...多謝大家~多謝大家支持~ ^o^

今日keep 住少少hyper 嘅狀態，希望可以last 到聽日啦...

-----------------------------------------------------------------------------------------------

論盡嘅我再獻新猷...

話說尋日其偉幫我約office 同事們今日出街食lunch，首先多謝佢organize...不過後知後覺嘅我尋日放工先知道原來今日首領book 咗枱請英文科同事飲茶，喺只可以二選一嘅情況之下，我揀咗同首領佢哋出去食lunch...

真係十分抱歉，其實問心我係想同office 同事佢哋食lunch 多啲，不過...雖然呢餐飯食唔成，但係我已經收到大家嘅心意喇，再一次多謝大家... : )


P.S. 差啲打漏...今日係蓉蓉5歲生日，Happy Birthday to Yung B~ ^3^

7．1 假期

今日7．1，由細到大我對呢一日都冇乜特別感覺，只係覺得多一日假期可以抖吓、做吓自己想做嘅嘢都唔錯...

睇廣告知道McDonald 又有得換Hello Kitty，好似好得意...今朝媽咪去McDonald 買早餐俾我食，順便幫我換咗個士多啤梨Hello Kitty，士多啤梨身嘅Kitty 好搞笑...

之後下晝約咗廸廸、其偉 & 廸廸's 朋友去太子玩棋，由2點玩到6點，都ok 好玩...玩完棋同廸廸、其偉去女人街行咗一陣，跟住就返屋企...

夜晚MSN 見到Wing Wing，之後又同佢講咗一陣電話...臨收線嗰陣我同佢講唔好意思，因為又咁長氣阻佢咁耐，佢講咗句我覺得好好笑、但係又好warm 嘅說話...佢話「電話嘅發明係用嚟做咩?用嚟講0架嘛...」嘩哈哈~唔知點解我覺得好好笑...

Thanks my sis~You always support me wholeheartedly...Thanks so much! ^3^


P.S. 事實再一次證明忠言真係逆耳，我知道我要對自己所選擇嘅事負責任...總之後果自負就是了...

下雨天

今日落雨唔想出街，全日留喺屋企執吓嘢、上吓網，好似好悠閒咁...

媽咪放工返嚟，喺信箱收到舊年Percy、Lolo 結婚時、我做姊妹啲相...我同媽咪都覺得某幾張影得我幾ok，如果拎嗰幾張相去相睇都應該呃得吓人... ^o^

-----------------------------------------------------------------------------------------------

之後夜晚又同Wing Wing MSN，唔知點解，其實我同佢一齊共事只係幾個月，但係感覺好似識咗佢好耐咁，咩都可以傾、咩都可以講，感覺真好...

今晚我哋喺MSN 認真地Girls Talk，多謝Wing Wing 唔嫌我煩，仲鼓勵我...我哋大家都要加油呀~唔好咁快灰心...We have to be patient, our Lord will lead us to the right ways...

Thanks anyway and let's add oil together!

Dinner w/ Wing Wing @ Sha Tin

今晚約咗Wing Wing 去沙田報團，希望我哋呢個暑假馬來西亞之旅一切順利啦，十分超級非常唔想又有其他奇怪事發生喺我身上，一生人試過一次就夠0架喇...

之後我哋去咗UCC Cafe 食飯，今晚呢餐好好好飽，補番今日lunch 嗰餐...咁大食，都唔知點算...

今晚又同Wing Wing 傾咗好多偈...Thanks for her sharing!

第一次踩單車

今日Wing Wing 本來只係約咗佢個中學同學 & 中學同學's 6歲小表妹踩單車，老實不客氣嘅我今日冇特別嘢做，所以加入同佢哋一齊踩...其實自從小學二年級學咗幾次踩單車、但係都學唔識之後，今日算係第一次踩單車，我同小表妹一齊踩有輔助轆嘅單車，有妹妹陪我踩，我冇咁樣衰，哈哈... ^.^"

我哋大約兩點半左右喺大圍出發，因為妹妹嗌攰，踩一陣又抖一陣；途中落咗一陣雨，我哋又避咗一陣雨，好彩落咗一陣就落完，又可以繼續踩...我哋踩到差唔多7點先去到大埔，好攰，不過好開心...

今次係我第一次望住個咸蛋黃踩單車，好舒服...好鍾意Wing Wing 喺差唔多到大埔、好想飲寶礦力嘅時候，講咗句「向寶礦力水特進發」，好搞笑，好似賣廣告咁...

-------------------------------------------------------------------------------------------------

踩完單車，Wing Wing 嘅中學同學 & 小表妹先行離開...Wing Wing 冇約人食飯，上咗我屋企坐...兩個無聊妹上網睇無聊嘢，又笑死咗...之後我煮麵一齊食，招待不週，希望Wing Wing 夠飽啦...

Wing Wing 坐到差唔多11點就走喇，因為要趕搭尾班小巴...今日好開心，多謝Wing Wing 陪我玩咗成日... ^o^

Dinner w/ Wing Wing & 銓銓

今晚約咗Wing Wing & 銓銓喺沙田食飯，我哋先去旅行社再睇多次去旅行嘅資料，之後去咗元綠食飯...

我哋又叫到一枱都係嘢食，一邊食Wing Wing 一邊講呢幾日工作上嘅辛酸事...傾傾吓，收到其偉嘅電話，佢話我哋學校都有H1N1 確診個案，oh...點解0架?我哋應該係第一間有老師確診嘅學校，雖然之前高層已經plan 好就算EDB 唔公布全港中學停課，我哋都會自行取消試後活動，而家咁嘅情況，想唔即時停課都唔得喇...有少少突然，希望病咗嘅老師快啲好番啦...

-----------------------------------------------------------------------------------------------

食完飯，我哋行咗去河畔花園join 其偉一齊食糖水，期間Wing Wing 俾咗啲意見其偉，但係氣氛好似唔多愉快，所以我都唔敢再加意見，費事越來越僵...

希望其偉明白Wing Wing 嘅意思，明白大家都係想佢好就好喇... ︰)


P.S. 今晚收到璇璇嘅電話，thanks for her concern，I'll take good care of myself~Same to her!

林峯《Let's get wet 演唱會》

今日放工之後同黃小虹去睇林峯演唱會...好開心...

一開場大家已經好興奮，不停嗌林峯林峯林峯 (註︰係男人聲嚟0架 =.=)，好hyper...阿峯 (好似好熟咁 ︰P) 都唱咗幾多快歌，跳舞都跳得OK...直到現時為止，呢個演唱會係我睇過嘅演唱會中最多嘉賓嘅一個，順序有︰王祖藍、農夫、泳兒、楊千嬅、阿Sa、謝天華，一人同阿峯合唱一首歌 + 獨唱一首，其實阿峯唱自己歌嘅時間唔多...最開心佢有唱《記得忘記》，呢首應該係佢嘅第一首歌，好好聽...

除咗自己嘅歌，阿峯仲唱咗唔少人哋嘅歌，e.g. 《為你鍾情》、《我真的受傷了》、《你不在》、《愛愛愛》&《霍元甲》，都唱得唔錯...不過佢把聲真係太沉，沉到唔係好聽到佢講咩，下次麻煩佢講大聲少少，唔好鬼食泥咁啦，聽得好辛苦... ^.^"

Ending 時，當然係全場大合唱《愛不疚》嘅時間，好感動...我同黃小虹都覺得在座嘅每一個觀眾都真心鍾意林峯，因為不論坐山頂、定係坐貴飛位置嘅觀眾都不斷揮動螢光棒，由開始fing 到完場冇停過，如果唔係真心鍾意一個artist 唔可能咁enjoy fing 足全場...

雖然今晚阿峯唱自己歌嘅時間唔多，但係整體嚟講都唱得幾穩、幾夠氣...阿峯加油啊~期待佢下次嘅演唱會，希望到時買到飛支持佢啦...Good show~ ^-^

-------------------------------------------------------------------------------------------------

聽日黃小虹生日，今晚都唔知算係佢陪我睇林峯，定係佢生日我請佢睇林峯...Anyway, 祝阿妹生日快樂，身體健康，啲咳快啲好番，食多啲嘢啦，成日話減肥，次次同佢食飯都凈係食少少嘢，然後睇住我呢個生蟲家姐不停食...

Happy birthday and wish my dear sister always has good health!!!

Keep praying

今日Ceamy 老師又有少少情緒，從佢嘅說話、語氣，我完全感受到佢有幾難受...不過就算係首領(i.e. 我panel) 都未必可以guarantee 佢任何嘢，我只能夠喺平時講低B 無聊爛gag 引佢笑，令佢開心少少...我記得佢講過有一次佢瞓唔著，祈完禱就瞓到，希望佢會試吓祈禱，求主指引佢嘅前路...

又，今日知道咗一啲嘢，令我更加明白好多事唔係必然...Thanks for sharing your feelings with me...God will lead your way...

Revision w/ students

今日返午堂，之後約咗3個2E 學生去佢哋其中一個屋企同佢哋溫英文...由2點「溫」到7點，其實有一半時間我哋都係講無謂嘢，凈番一半時間溫書，仲有其中一個鐘tea break...不過難得佢哋主動話想溫書，幫得幾多得幾多啦...希望佢哋真係記得今日溫過嘅嘢...

閒聊期間，又了解呢幾個小朋友多咗...一個就連中二小女孩都明白嘅道理，點解我會唔明?真係枉我做咗咁多年人... : (

-----------------------------------------------------------------------------------------------

今日返崇拜知道又開洗禮班，開始諗洗禮嘅問題...唔知今年年尾洗禮好，定係出年年中先洗禮好...今晚問媽咪、黃小虹，佢哋都話今年年尾好啲，anyway，都要上咗洗禮班先，報咗、上完先再講...


P.S. 今日唔知發生咩事，係咁掃跌晒啲嘢...搞咩啊~ >.<

Researching w/ Wing + Dinner w/ 小姐

今日下晝約咗Wing Wing 去旺角一齊攞旅行資料，我哋暫定8月初去馬來西亞，不過有啲擔心如果遲啲中學都要停課，唔知仲有冇假放...攞完資料之後我哋去咗沙嗲王食 lunch + tea，兩隻蝗蟲居然食得晒差唔多3個人份量嘅嘢，好飽......

食完講完一大輪已經5點幾，返大埔同小姐食飯 (我真係飽到食唔落任何嘢，只可以飲嘢，然後睇住小姐食)...好耐冇試過凈係得我哋兩姊妹傾偈，感覺真好...

同小姐道別之後去大眾行咗一陣，買咗本《最好的時光2》，比較鍾意Wing + 方大同嘅故事...
好鍾意本書封底寫嘅呢幾句︰「回憶裡頭最好的時光，總是自動自覺配上了背景音樂。一句又一句的歌詞，成為了我們記錄那個時代日子人物情感的工具。」

開會日 + Dinner w/ colleagues

今日學生唔使返學，朝早開Staff Meeting...之後本來諗住同老師們出街食lunch，但係Ric 約我今日lunch 嘅時候俾林峯演唱會飛 & 保單我，所以最後好搞笑地同老師們去同一個地方食飯，不過我同Ric 坐一張枱、老師們坐另一張枱...

食完lunch 又返學校繼續開科會，我都覺得我哋好efficient，次次都比預計時間早開完，very good...

放工之後約咗Ceci、Michelle、Kenise、Grace 去尖沙咀食飯，我哋今晚食咗餐幾特別嘅俄羅斯餐，其實有live music 聽都幾舒服，不過真係大聲咗少少，我哋要趁佢哋break 嘅時候先講到嘢，好好笑...

今日好似做咗好多嘢，啲時間fully occupied，如果日日都係咁就好喇，就唔會有空閒時間諗無謂嘢...

Being neglected

今日我終於知道自己呢幾日發生咩事...

人與人之間嘅關係原來好複雜，唔係我一廂情願想對人好就可以，要雙方都願意付出先可以維繫...我發覺自己太傻、太多事，可能人哋根本唔需要我呢啲路人甲關心...

我擔心人哋，人哋未必知道；就算知道，都未必會多謝我...我諗我睇人情睇得太重，人哋一個反應、一個表情我都會好在意，實在太傻瓜...

我同自己講，由今日起唔好咁多事，如果人哋當我係朋友，自然會將心事講俾我知，使咩我咁多事主動問人...咁諗可能好消極，但係被忽視嘅感覺好差、好難受...

近來心情好差，都唔知要到幾時先會好番啲...唉...


P.S. 多謝銓銓今日放工之後又陪我做無聊嘢，大感激... T.T

Dinner w/ 肥佬哥哥 & 筠姐

今日放工之後約咗肥佬哥哥、筠姐喺尖沙咀食飯，我哋又去食上次食過嗰間日本嘢...

今晚我又食咗好多嘢，真係大件事，每次唔開心就會好想食嘢，咁食法遲早變肥婆...

多謝哥哥、筠姐今晚落力引我笑，但係我真係唔係好想笑...

呢幾日經常不自覺地嘆氣，好辛苦... : (

心血來潮唱詩歌

今日全日心情都唔太好，但係我仲未諗到點解...

下晝忽然好想唱詩歌，問銓銓放工得唔得閒陪我唱，佢又居然肯陪我...我(哋)唱咗好多首詩歌，唱完之後心情舒暢番少少...

雖然銓銓全程都冇開口唱，但係都好多謝佢肯陪我癲...

《誰曾應許》始終係my favourite，每次唱都會好感動，就算得自己一個唱都會好感動...

《誰曾應許》

誰曾應許 一生不撇下我
每段窄路 誰陪我去走過
誰還領我 於青草恬靜處躺臥 豐足恩惠比海沙更多
誰曾應許 天天看顧著我 晝夜眷佑 連頭髮也數過
誰還以愛驅走心裡懼怕怯懦 那懼路途捲動著漩渦

因你是我主我避難所 我盾牌和詩歌 你是我的高臺我隨時幫助
來吧 用信心讚頌和高歌 你永在我心窩
唯你有永生江河 除你以外不倚靠別個

我究竟算甚麼 神你竟這般顧念我

超哥畢業展@文化中心

今日如常工作，放工之後約咗同事們 (Incl. Fanny、Esther、Cindy、Rebecca、銓銓、其偉、廸廸、Wing Wing) 一齊去文化中心睇超哥嘅畢業展，超哥個design 都幾特別，超勁~

睇完展覽、影咗啲相，我哋一行10人去咗潮樓食飯，又邊食邊笑...好無聊...

今晚可以同大家一齊傾吓講吓真係好...但係今日硬係有少少奇怪嘅感覺，怪怪的......

煲歌時間

今日做咗好多嘢，好似好充實咁...

搭車嘅時候煲林峯啲歌，其實佢啲歌、佢嘅唱功真係唔差...聽番《你並不孤單》，啲歌詞好encouraging...

《你並不孤單》 林峯

你大概自覺不吸引　找不到戀人
你大概路過望別人 一個個熱吻
餐店中　完全賣氣氛
偏你卻是單身　令你不合群
可憐人　從沒有愛侶相擁一吻
你大概自尊心不再　再不敢出來
你大概害怕到未來　一世也沒被人愛
請看開　看別人甜蜜也許是意外
不只你　和自卑比賽

明日或者相愛變傳奇　但是你必先好好生活爭氣　
生命似在垂死　只會被嫌棄　在這殘酷世紀　不斷別離　
能自愛別與世間去比　讓自信優雅地哪愁沒運氣　
上天總找到你　來日註定愛的總愛你

你大概未搞清真愛　要等等不來
你驟看　幸福的一對不見背後漸忘愛
請看開　每段情其實也經歷苦海
不只你　有這種感慨

如若愛在世間總愛你

剪頭髮 + 六．四20周年

今晚放工之後媽咪陪我去剪頭髮，好耐冇試過剪到咁短，雖然唔係好睇得慣，不過都幾爽...

-----------------------------------------------------------------------------------------------

尋日係六．四20周年，今年有好多同事/朋友都有去維園燭光晚會...

我想講嘅係，我咁多年都冇去開，唔想為咗趁熱鬧而去...

縱然我冇大家嗰股熱血，但係我都有感覺...

------------------------------------------------------------------------------------------------

今晚無聊三母女有以下對話:︰

黃小虹︰我今日買咗隻龜公仔...(喺袋攞出嚟...)
媽咪︰幾得意喎...係女仔嚟0架喎...
我︰哈哈~係龜女嚟...黃花龜女...不過佢冇黃花...
媽咪︰插朵黃色花喺佢個頭咪係囉...
黃小虹︰ ......

<完>

學校畢業典禮 + 超哥相展@文化中心

今日又係一年一度嘅畢業典禮，一如以往，我哋呢啲冇duty 人士又坐上台做人肉佈景板，今年都算坐得後，不過弊在我坐一行嘅最尾，前面冇人遮住我，我唔敢太大動作，因為台下應該會睇得幾清楚，之後企起身條腰好痛...

完咗畢業典禮，同廸廸、銓銓、超哥一齊去文化中心，睇超哥同其他攝影朋友嘅相展，佢哋用雙鏡相機影相，啲相張張都好靚，其中一張係我波波做主角，呵呵~睇咗一陣，Wing Wing 都嚟咗...睇完相，我哋一齊去糖朝食飯...

食完飯之後大家各自歸家，我同Wing Wing 繼續下半場，吹水 + 傾偈...兩個大食妹明明食咗飯，但係兩個都未飽，行行吓去咗食烏冬，叫兩碗都居然食得晒，好恐怖...全程我哋又不停口地食嘢 + 講嘢，傾到2am人哋舖頭閂門先捨得走...兩點幾返到屋企...好眼瞓...

今晚我同Wing Wing 又有新planning，我哋又開始諗暑假一齊去旅行，之前我係諗過去英國，不過而家好似唔係好方便...咁去邊度好呢?再諗吓先... ^-^


P.S. 呢兩日自己好似慢慢回復番正常，感謝主...

Just an incident...

It's so obvious that the old memory still sticks into someone's heart. My existence was just an incident. I know it's too silly and foolish for me to have that kind of sadness for these few days and even these few months, however, I have emotions as I am a human being.

I know it's time for me to say goodbye to the sadness since I don't want to involve in this complicated story anymore. And the most important point is that, it's no room and no space for me to participate in this story anymore.

Although I can comfort myself sometimes, I need more time to recover. I don't want to be so unhappy and it's so disgusting. Hope that I could pull back myself from this abyss very soon.

It seems quite strange for me to type this entry in English, but I really don't know how to express my feelings in an implicit way in Chinese.

----------------------------------------------------------------------------------------------

I've just finished listening to the radio drama 《戀愛1/2》eventually. Thanks for Aaron and Cass's gentle voices which comfort me in my saddest days.

《未完的小說》彭羚

情人你我彷似 無題兩個章節

迷離時候偶遇 糊塗時候告別

浮盪在無目的 然後留下回憶 絲絲點點 片片滴滴

由當中的細節 完成尚未完小說

時而互愛 時而分開 在錯綜內覓曲節

就似 沒法子了結 也只有祝福中說

年月或會似風 翻我心裡在盼望那頁

情人你的一半 仍然教我心折

然而還是拒絕 然而還是不必

寧願留下回憶 寧願留下痕跡 點點點點 永遠未滅

隨心中怎拼貼 完成尚未完小說

時而互愛 時而分開 在錯綜內覓曲節

就似 沒法子了結 也只有祝福中說

年月或會似風 翻我心裡在盼望那頁

情人你我彷似 無題兩個章節

迷離時候偶遇 糊塗時候告別

寧願留下回憶 寧願留下痕跡 點點點點 永遠未滅

隨心中怎拼貼 完成尚未完小說

解謎

終於解開咗一個應該早少少解開嘅謎...又發現原來自己真係好白癡，白癡到有啲想打自己...

又，原來我真係一個喊包，去到一個化境，唔使太激動，啲眼淚都會auto run...

得自己一個喺屋企，又唔想打電話俾人煩住人，惟有自己開解自己...好彩仲有蓉蓉、波波陪吓我，esp. 好彩仲有陪咗我好多年 (如果冇記錯，應該有9年) 嘅喵喵公仔俾我攬住開水喉，呢9年喺我唔開心嘅時候都係喵喵陪我過...

我諗我而家應該咩都唔好諗，快快手手做埋最後一份assignment 比較實際...忽然又諗起一首歌...

《葡萄成熟時》陳奕迅

差不多冬至 一早一晚還是有雨
當初的堅持 現已令你很懷疑 很懷疑
你最尾等到 只有這枯枝
苦戀幾多次 悉心栽種全力灌注
所得竟不如 別個後輩收成時
這一次 你真的很介意

但見旁人談情何引誘 問到何時葡萄先熟透
你要靜候 再靜候 就算失收 始終要守

日後 儘量別教今天的淚白流
留低 擊傷你的石頭 從錯誤裡吸收
也許 豐收 月份尚未到你也得接受
或者要到你將愛釀成醇酒 時機先至熟透

應該怎麼愛 可惜書裡從沒記載 終於摸出來
但歲月卻不回來 不回來 錯過了春天 可會再花開
一千種戀愛 一些需要情淚灌溉
枯毀的溫柔 在最後會長回來
錯的愛 乃必經的配菜

想想天的一邊 亦有個某某 在等候
一心只等葡萄熟透 嚐杯酒

別讓 寂寞害你傷得一夜白頭
仍得不需要的自由 和最耀眼傷口
我知 日後 路上或沒有更美的邂逅
但當你智慧都蘊釀成紅酒
仍可一醉自救 誰都心酸過 那個沒有

痛

可能前晚夜瞓，今日個頭有啲痛...

再加上又開始考Oral，又要幫手入課室看細路，尋日企咗4堂，可能企得太耐，尋晚瞓瞓吓對腳無端端抽筋，痛醒咗幾次，真係好痛...

今日不論係physically，定係mentally 都唔多妥，好辛苦...

唔知自己想點，又唔知自己可以點做嘅感覺好差... : (

重溫《戀愛1/2》

聽日要交Field Experience Portfolio，今晚又努力趕工...做做吓好悶，無聊地上now.com 睇嘢，無意中見到有一part 係廣播劇重溫，原來有得聽番《戀愛1/2》，喺心情唔多好又眼瞓嘅時候，夏崇哲、孔尚雪嘅聲音簡直就係我嘅止眼瞓葯...

呢兩日又黐黐哋線...Really too sensitive and think too much...

--------------------------------------------------------------------

《妳是我的1/2》郭富城

從前那是友情　拿來當做愛情　編撰浪漫片段
從前錯認了人　拿來當做愛人　念最早的天真
也許經過挫敗創傷　不覺自憐自傷　世上並無夢裡人
也許差錯繼續發生　依舊莫停莫等　遍尋遺落那聲音

是妳嗎　輕輕軟軟盪入來　入我夢
是我好嗎　今方信這一趟　真的盼到了　真的找到妳的聲音

重逢今天的妳　重認今天的我　深信是未了緣
原來妳是那人　原來妳是永恆　是我心中詩篇
讓我編我故事角色　寫我每段插曲　塑造劇情萬千遍
就算刪過每頁每篇　加插劇情地點　也留著這一章節

是雨嗎　輕輕悄悄落下來　亂我夢
是我哭嗎　偏偏想聽一次　偏都聽不了
聽到一句耳邊低語　聽到一句來自妳心：「你是我！」

Tea w/ Ric

唔知係咪尋晚開冷氣瞓覺冷親，今朝起身個肚好痛，好彩去完廁所好番啲，不過搞咗一輪，差啲遲到，嚇死...

今日如常工作，老細assign 咗一項對我嚟講有啲難度嘅工作俾我，佢叫我幫佢睇Application Letter，啲NET 嘅CV 寫得好長，睇咗成日，睇到我呆呆哋...

放工之後約咗Ric 食tea，佢又好好人咁就我喺廣福某間茶餐廳食(到而家我都唔記得間茶餐廳叫咩名)，都係吹水、講無聊嘢，之後傾咗陣關於保險嘅嘢，8點幾就各自離開...

麻煩晒Ric 幫我優先訂林峯演唱會飛，希望啲位OK 啦... ^.^

第三次(最後一次)觀課 + BBQ w/ 2E kiddies

今日係Year 1 最後一次觀課，今次唔係上兩次嗰個Professor 嚟睇我堂，而係另一位更高層嘅Professor 嚟睇，聽啲同學講佢要求好高、講嘢好harsh，尋晚prepare material 嗰陣越諗越驚，再加埋媽咪嗰啲discouraging 嘅說話，忍唔住又發咗一陣癲...

今日第二堂就係喇，我自己覺得整堂都run 得尚算流暢，time management 好過上次，冇overrun，但係今日班2E 細路真係唔多合作，都幾嘈，以我有限嘅聲線 + 凶惡程度，佢哋有少少失控...落堂之後Professor 同我傾番我嘅performance，其他方面ok，惟獨是classroom management 做得唔係咁好，唉...

不過算啦，overall ok，總算pass 咗，我好驚唔pass，如果真係唔pass 即係代表我唔適合做老師...無論如何都要再一次感謝天父加力俾我~ T.T

----------------------------------------------------------------------------------------------

之後如常工作，放學之後班2E 細路邀請我join 佢哋BBQ，都ok 開心，佢哋食好多肉，好好笑，又了解佢哋多咗少少...不過佢哋食完嘢掛住玩又唔幫手執嘢，激死佢哋班主任...

----------------------------------------------------------------------------------------------

今日了咗一件心事，但係5月仲有兩份assignment 要交，交埋就可以放監，快啲捱埋佢就好喇...

好多謝安琪吶喊演唱會2009

今日如常工作，放學之後開staff meeting，正常嚟講我要坐足全程，但係自從我逢星期三要返學，基本上每次到5:30pm 左右我就會先行撤退，今日suppose 要返學，所以5:30pm 我已經撤退...

今晚有啲曳，其實今晚約咗Wing Wing 一齊去睇謝安琪演唱會，佢話如果我返學就冇人陪佢食飯喎，所以今晚冇返學，同咗佢去食sushi，食完先去睇concert...

今晚Kay 唱咗幾多快歌，仲跳埋舞，辛苦晒~佢仲有唱大家拍爛手掌嘅《我歌...故我在》，完全冇走音，勁~第二首覺得good 嘅歌就係《十字架》，今晚聽到Live version，唔知點解我同Wing Wing 都覺得好感動...

我覺得Kay 唱得好有感情、好夠氣，聽佢唱歌真係好舒服，Kay 要加油啊~

------------------------------------------------------------------------------------------------

《十字架》謝安琪

很久的當年 媽媽天天囑告 好心交給人
總可得到好報 過去按這教導埋頭做
可惜隨年長一步 傷口隨年多一道

伸出手攙扶 遭鬆開手警告
交出心戀愛 反得傷心的控訴
厭棄我過份熱情流露 或是仁慈得恐怖 燙手愛意怕碰到
彷彿背上十字架 捨我救贖未算好 越奉獻得到結局越殘酷
教我為免傷勢再會變更糟 圍牆變更高
圍住了自己的去路 防護罩終變成墳墓
將根本的我葬下去獨自老

伸出手攙扶 遭鬆開手警告
交出心戀愛 反得傷心的控訴
厭棄我過份熱情流露 或是仁慈得恐怖 燙手愛意怕碰到
彷彿背上十字架 捨我救贖未算好 越奉獻得到結局越殘酷
教我為免傷勢再會變更糟 圍牆變更高
圍住了自己的去路 防護罩終變成墳墓
將真的我埋藏下去 哀悼裡獨個漸漸老

多想光陰退後到舊時 童年重渡 多斬釘截鐵共處態度
我對你好所以你會對我好 心裡沒旁騖
無奈這幸福的國度 已飽經災劫無寸草
今天只得我野地裡在獨舞

要怎麼的上路 期望一天我能知道

Dinner w/ 肥佬哥哥、筠姐 & Kitty

尋晚(嚴格嚟講應該係今朝)做功課做到4:30am，今日如常做嘢，不過真係好眼瞓，眼都差啲睜唔開...

放工之後趕去IED Town Centre 交功課，然後去尖沙咀join 肥佬哥哥、筠姐、Kitty 食飯...今晚我哋食哥哥介紹嘅日本嘢，都幾好味，最好味嘅當然係唔係人人有得食嘅甜品啦... ^o^

成日都覺得人少少先傾到偈，今晚我哋都傾咗唔少，so good~今晚哥哥又輔導我，令我更加知道都係哥哥最錫我... T.T

一年一度媽媽節

今日又係一年一度嘅媽媽節，今朝崇拜返中堂，因為之後約咗阿姨、婆婆、媽咪佢哋飲茶...

今日媽咪要返工，除咗飲茶之外就冇其他特別節目，飲完茶返屋企繼續做功課...唉...做極都未做完...救命... : (

-----------------------------------------------------------------------------------------------

記得舊年嘅今日係Percy & Lolo 結婚大日子，嗰日全日都要做姊妹，冇同媽咪慶祝，諗返都有少少唔係幾好意思...

眨吓眼就過咗一年，Happy Anniversary to Percy & Lolo~ ^.^

Dinner w/ colleagues @ Tai Po

尋日Ceci 約我哋今晚食餐即興飯，今日放工就同Ceci、Kenise、Michelle 4個人去咗大埔中心和民食飯...

今晚我哋都食咗好多嘢，好味~我飲咗杯超肥嘅Cookie & Ice-cream，好飲，不過勁肥...

我哋今晚好衰，主要topic 係其他老師嘅搞笑事，笑到肚痛...

食完飯，各自歸家...差唔多行到返屋企，忽然好想去海濱公園行吓...一路行一路諗通咗啲嘢，間中自己一個人靜靜地諗吓嘢都唔錯...不過嗰度真係好多蚊，好痕...

今晚諗通咗啲嘢，心情好番少少...Keep it up...

-------------------------------------------------------------------------------------------------

《自言自語》 范曉萱
天是灰色的 雨是透明的
心是灰色的 我是透明的
愛是盲目的 戀是瘋狂的
痴是可悲的 我是絕對的
你是自由的 我是附屬的
她是永遠的 我是錯誤的
夢是美好的 你是殘酷的
我是灰色的 我是透明的

Everything ends before it commences...

近幾日發生咗啲事，心情又麻麻地...歷史遺留落嚟嘅問題絕對係主因，我諗得太多嘅性格都累事...

唔開心咗幾日，做咗一個決定...冇人反對，一致通過...

雖然有少少唔捨得，不過對大家應該都係好事...

God bless us...

-----------------------------------------------------------------------------------------------

呢幾日又聽番范曉萱啲歌，《深呼吸》好好聽...

《深呼吸》 范曉萱
早知道愛你註定是無盡的憂鬱 我卻不知該如何收回我的情意
不能說出的故事 一場美麗的相遇
直到你對我說你心裏 已被人佔據
深深深呼吸 不讓淚決堤
我最愛的你 深鎖在心底
深深深呼吸 回頭不看你
有你的往日 一幕幕湧上眼底
心碎 在擾嚷的街 我的傷悲你沒發覺
心碎 下著雨的夜 整個世界都在流淚
雨不怕風吹 夢不醒最美 你在我心裏輕輕的飛
就讓愛是一場不悔的沉醉 就讓我永遠都學不會離別

Karl's wedding banquet & Sing K

今日5．1假期唔使返工，下晝留喺屋企閒hea...黃昏先出去旺角新世紀飲舊同事Karl 餐喜酒...

飲完已經11點，我哋 (Incl. 其偉、銓銓、Cindy、亮、Heidi) 居然仲有精神去唱K，今晚又係懷舊金曲夜，舊歌真係越聽越好聽...2點幾亮、Cindy 走先，其餘嘅就唱到差唔多4點先返屋企...

好耐冇唱過咁多舊歌，好開心，不過好眼瞓... =.=

第二次觀課

今個星期一下晝收到上次睇我上堂嘅Professor 電話，佢話想今日再嚟睇我上堂...

今次我問晒老細Richard 意見先做lesson plan，又多啲活動，懶interactive 咁，終於都pass...Thanks God~

雖然平時凈係得我自己一個上堂嘅時候班2E 都幾嘈，但係兩次睇堂兩次佢哋都好合作、好乖，真抵錫~希望最後一次睇堂嗰陣佢哋都咁乖啦...

Still have one more observation, add oil to myself~

A timely reminder

今日如常返崇拜，完咗崇拜去上最後一堂栽培班...

今日我哋讀嘅經文絕對係對我嘅適時提醒，經文記載道︰「你們既作順命的兒女，就不要效法從前蒙昧無知的時候，那放縱私慾的樣子。那召你們的既是聖潔，你們在一切所行的事上也要聖潔。因為經上記著說︰『你們要聖潔，因為我是聖潔的。』」(彼前1︰14-16)

是的...我會好好牢記在心...

上完栽培班，同Cookie 老師、Cat Cat 老師道別，感覺上我哋好似以後都唔會再見咁，大家都有少少依依不捨，最後嚟咗個goodbye hug，嗰吓真係有少少眼濕濕...希望我哋有機會再見啦... T.T

離開教會之後搵媽咪食brunch，食完去咗吉之島，我又買咗套好靚嘅Melody 床單，Melody 同羊咩咩(其實佢叫Piano)著住和服好靚女，連媽咪都話佢哋靚... ^o^

-------------------------------------------------------------------------------------------------

尋日發生咗少少unexpected 嘅事，雖然有啲始料不及，但係其實心裡面係開心嘅...又，多謝某人將心裡面嘅想法講俾我知，真的，thanks...

近來除咗要為自己禱告之外，亦都要為身邊嘅人禱告... I know our Father in heaven always listens to our prayer and leads us our way...

Dinner w/ colleagues @ Sha Tin

今日如常工作，放工之後約咗其偉、超、銓銓、Fanny、Cindy、Wing Wing 一齊去沙田食飯...

其實食呢餐飯嘅原因有少少搞笑，其偉話屋企冇飯食，所以約我哋喺佢屋企附近嘅大排檔食飯喎...雖然理由有少少牽強，但係大家都肯陪佢食，對佢都算係咁啦...

今晚餐飯好好笑，因為有人做咗啲好瘀皮嘅事，笑死晒大家... ^o^

波波做絕育手術 + 滂沱大雨BBQ

今朝唔使返學/返工，同媽咪一齊帶波波去獸醫診所做絕育手術...放低波波之後同媽咪去食早餐，跟住去沙田行咗一陣...

今晚約咗Percy、Lolo、Kitty、筠姐、肥佬哥哥、Ric、Didi 去大美督BBQ，2點幾返咗屋企之後，瞓咗一陣晏覺，瞓醒居然落大雨，但係又收唔到筠姐電話話cancel，4點幾去獸醫診所接波波返屋企之後就照原定計劃出發...

雖然我哋喺有瓦遮頭嘅地方燒嘢食，不過呢，真係幾大雨，行出行入都要擔遮，我都係第一次落咁大雨燒嘢食，下次都係好天氣先去燒會方便啲...

BBQ 完，Lolo 揸車載Percy、Kitty、Didi 走先，我同筠姐、哥哥自行離開，我哋去咗食糖水，哥哥、筠姐好搞笑，笑到個肚好痛... ^o^

12點幾返到屋企，見波波做完手術有啲攰，俾零食佢都冇反應，繼續瞓唔理我，不過應該冇乜大礙啩，應該休息1-2日就會精神番0架喇...

一年一度的海洋公園之旅

得到小雲老師嘅邀請，今年我又同佢一齊帶學生去海洋公園玩...尋晚落好大雨，但係今日天氣幾好，只係間中落毛毛雨，thanks god...

去到海洋公園，學生們自由活動，我唔敢玩機動遊戲，只好同小雲老師行來行去睇風景、睇動物、影相...今日我哋都頗為忙碌，因為老師帶咗好多生果同我share 一齊食，我哋lunch 之前食咗士多啤梨、布冧，食完lunch之後又食蘋果、奇異果，個口冇停過，好忙好忙... ^o^

今日嘅行程本來冇乜特別，但係我克服咗對水母嘅恐懼，都算係意外收穫...唔知點解，由細到大我都好驚水母，覺得一pat 透明嘢郁吓郁吓好恐怖，今日食lunch 嗰陣我哋張枱隔離就係一個充滿水母嘅大魚缸，望望吓又好似冇咁驚...之後仲同小雲老師去水母館睇水母，望望吓，其實都唔太恐怖，終於唔驚水母... ^.^"

今日喺海洋公園悠閒地玩咗一日都幾開心，再次多謝小雲老師嘅邀請...

薯波一歲了

上年嘅5月中，我哋帶咗薯波返屋企，佢嗰時大約一個月大...照推斷，波波應該係4月中左右出世，而根據波波張針咭，獸醫寫佢係13/4出世...

今晚我哋買咗個蛋糕返屋企同波波慶祝一歲生日，蓉蓉都有份一齊切蛋糕... ^.^

希望波波身體健康，食得瞓得，快高長大!

HAPPY BIRTHDAY TO BALL BALL!

充實的一天

今日都幾充實，做咗以下嘅嘢︰

9:30-11:15
返中堂崇拜，有一對夫婦見證分享...個太太有咗BB，檢查後發現BB 有好嚴重嘅問題，但係夫婦二人都決定唔會唔要BB，好佩服佢哋嘅勇氣、亦都好欣賞佢哋對BB 嘅愛，希望BB 喺媽咪個肚一日一日長大，身體情況會慢慢變番正常...
求主保守呢對夫婦嘅BB、仲有我老細Richard & 佢太太嘅BB，求主親自看顧佢賜下嘅產業...

11:30-13:00
上第5堂栽培班，今日Cat Cat 「老師」嘅魔術好厲害，但係好好笑...越來越覺得兩位「老師」Cookie & Cat Cat 好人，仲有一堂就上完，我怕我會唔捨得佢哋... ^.^"

14:30-17:30
今日團契有探訪活動，去粉嶺YMCA 盛愛之家探訪智障嘅大小朋友、同佢哋玩遊戲...雖然佢哋講嘢唔叻、唔係好識表達自己，但係佢哋真係好可愛、好熱情，其實佢哋同一般小朋友冇分別，有機會同佢哋玩我都好開心呢...

我諗我鍾意錫安團多啲嘅其中一個原因，可能係因為錫安團會不時搞呢啲關心社區嘅活動，我鍾意去呢啲探訪多過凈係飲飲食食、但係其實又冇乜點聯誼過嘅組活動...

Dinner w/ 小姐 & Wendy @ Sha Tin

今日下晝冇出街，留喺屋企執嘢...

夜晚約咗小姐 & Wendy 喺沙田食飯，其實今晚餐飯有一個主題，但係呢餐飯嘅上半部分我哋都仲係講緊啲無關痛癢嘅題外話，到差唔多食完先開始講正題...

今晚聽小姐講成件事嘅前因後果，大約都了解點解會得出而家呢個結果...喺佢講佢嘅case 嘅同時，又令我明白男人呢種生物多少少，原來大部分男人都係咁，唉...激死人...

希望小姐嘅心情可以快啲recover 番啦，佢永遠都係我最靚、最好嘅小姐啊~ : )


P.S. 今晚小姐、Wendy 知道我個陳年心病近期先完全康復都嚇咗一跳，嚇親佢哋真係唔好意思... ^.^"

與媽媽和妹妹北上消費

今日媽咪放假，佢約咗同事返深圳按摩 + 夜晚食日本嘢，難得黃小虹想去、我又放假，10:30我哋一行10人就向深圳出發...

今次係我同黃小虹第一次按摩，樣樣嘢都好新奇，好似大鄉里出城咁，好白痴...其實總括嚟講都幾舒服，尤其按身、頸、手嗰陣，但係當師傅幫我按腳嘅時候真係痛到差啲流眼淚，我諗我講咗差唔多4、5次「輕力一點」，真係好痛...希望痛過之後會鬆啲，如果唔係就白痛一場... T.T

按完摩已經5點幾，我哋去商場行咗一陣，行到7點左右就去食dinner，今晚我哋食媽咪strongly recommend 嘅任點任食日本嘢，啲嘢食真係好新鮮、好好味，凈係雪糕都食咗兩杯，好飽~ : P

食完飯10點幾，跟住就搭車返屋企，返到屋企12點...好耐冇試過全日都同媽咪、黃小虹一齊，感覺良好... : )


P.S. 今朝開始活動前，喺深圳接到一個等咗幾日嘅電話...其實我唔係嬲，而係擔心，聽到某人把聲總算放下心頭大石...Thanks god...

活著多好

今朝去咗粉嶺一間中學監考，3個鐘，都幾難捱...中間有30 mins break，匿咗喺後台坐，無無聊聊唔知做乜好，就用電話上網開Facebook 睇，睇到Keziah 老師嘅notes，佢詳細地寫咗佢其中一隻貓貓Bubu 尋日離世嘅經過...唉...有啲後悔喺嗰個時候click 嚟睇，大喊包又邊睇邊喊，喊咗差唔多10分鐘，完咗break 行番出hall 嗰陣我諗我對眼應該勁腫...

可能呢幾日睇得多關於生離死別嘅嘢，忽然諗起《常在我心》，記得當年睇呢套戲嘅時候又睇到眼濕濕；又諗起Eason 首《活著多好》，其中幾句歌詞「如果想哭 可試試對嘉賓滿座 說個笑話 紀念我」，有朝一日如果我要離開世界，大家都唔使為我喊，講個爛gag 紀念我就可以了...

《活著多好》 陳奕迅

當我還在花園散步
當我還在浴室洗澡
十步以內 可擁抱
遇著什麼煩惱
想跟我說 都可聽到
翻到有趣圖畫
何妨大笑 讓妙事亦被我看到

遊玩時 開心一點 不必掛念我
來好好給我活著 就似最初
仍然在呼吸都應該要慶賀
如果想哭 可試試對嘉賓滿座
說個笑話 紀念我

到處還是香水氣味
到處還是塗鴉筆記
就像我未拋低你
遇著什麼煩惱
想跟我說 都可聽到
翻到有趣圖畫
何妨大笑 讓妙事亦被我看到

遊玩時 開心一點 不必掛念我
來好好給我活著 就似最初
仍然在呼吸都應該要慶賀
如果想哭 可試試對嘉賓滿座
說個笑話 紀念我

買新電腦 + Dinner w/ Wing Wing & 超

我部電腦依然係昏迷中，把心一横，不如買部新嘅...今晚放工，好好人嘅超哥陪我去旺角睇電腦 + 買電腦，搭火車出去旺角途中，超哥提議不如約埋Wing Wing 出嚟一齊食飯...咁我就打俾Wing Wing 約佢我哋買完電腦就返沙田一齊食飯...

去到旺角，心大心細，都睇咗幾耐，本來已經揀咗一部，居然冇貨，諗諗吓，反正我哋都返沙田，不如返沙田先買，唔使拎住咁重周圍行...返到沙田，都係決定買番之前睇中嗰部，放低部機由得個sales 幫我install Window，我哋就去同Wing Wing 食飯...

超哥話Triple O’s 啲漢堡包好好食，今晚我哋就試食呢個高檔漢堡包餐...超哥冇介紹錯，真係好好味啊~個包好大個，薯條係粗身厚切，好味~席間，我同Wing Wing 又傾到雞啄唔斷，勁好人嘅「超爸爸」主動話幫我去攞機，我同Wing Wing 就可以繼續傾，好感動~超爸爸幫我攞完機返嚟，佢就先行撤退...

之後我同Wing Wing 行咗去城門河邊傾偈，傾吓傾吓，居然傾到12點...兩個傻人又漫步返對面河搭巴士/小巴返屋企...

今日買咗新電腦、見到Wing Wing、又食咗一餐好好味嘅漢堡包餐，應該好開心先啱，但係呢兩日心裡面記掛住一件事，牽腸掛肚嘅感覺原來係咁... : (

第一次觀課 + 探訪長者

今日係我嘅大日子，第二堂IED professor 嚟睇我上堂，其實要準備嘅嘢都準備妥當 (我自己認為係)，但係依然好緊張...

今日啲學生好乖、好幫手，我見佢哋都盡量望住個screen、撐大對眼留心聽我講嘢 (當然平時瞓開嗰啲都係繼續瞓啦)，就連平時會忍唔住勁講嘢嗰啲都好似好留心咁望住我講嘢，我覺得佢哋對我都算係咁...今日我全程講英文，我估佢哋其實只係明我講嘅嘢20%，但係佢哋嘅表現真係excellent，我越來越鍾意2E 喇... ^-^

落堂之後professor & Richard 留低講番comment 俾我聽，頭半部分都ok，有讚嘅位置，但係聽聽吓好似唔係好對路，professor 開始彈我嘅approach， 佢話覺得我咁教會唔夠interactive，下次可以試吓用佢suggest 嘅approach 喎...At the end, professor 都係fail 咗我，即係我仲有兩次機會，如果之後嗰兩次其中一次都係fail 嘅話，咁我就真係唔使再讀落去喇...

可能因為知道仲有兩次機會，只要之後嗰兩次pass 嘅話就ok，所以心情還可以，冇乜好唔開心嘅感覺...惟有之後嗰兩次盡力做好啲啦...

----------------------------------------------------------------------------------------------

今日睇完堂就如常工作，下晝同幾位老師帶2A 同學去運頭塘邨探訪老人家...其實老師嘅主要任務就係帶啲同學去老人家屋企，然後就可以喺走廊附近兜吓、如果有需要就入屋幫手，同埋入屋幫佢哋影相...

入到屋，聽到平時粗聲粗氣嘅男同學同老人家講嘢嗰陣好溫柔、好有禮貌，真係有少少感動，如果佢哋平時都係咁乖、咁有禮貌就好喇... ^.^

----------------------------------------------------------------------------------------------

2009年4月6日，對我嚟講係幾特別嘅一日...I guess I will remember this day...

電腦壞了

今朝太眼瞓起唔到身返中堂崇拜，所以11:30就直接返教會上栽培班...上完就去咗新達同阿姨婆婆佢哋飲茶...

今朝媽咪想開我部notebook 上網，但係部電腦突然完全冇反應，機都開唔到...聽日Professor 就嚟睇我堂喇，今日仲急住用電腦整教材，飲完茶惟有拿拿聲拎部電腦去寶湖睇吓有冇得救...問咗兩間舖頭，兩間都話要換底板，要放低部機幾日，唉...咁我點做嘢呢?

拎番部壞機沮喪地返到屋企，惟有試吓開另一部舊notebook，呢部機中毒中得好厲害，啲毒係咁彈出嚟，又load 得慢，但係總算開到Word & PowerPoint，惟有無奈地用呢部毒腦整教材，原本兩個鐘應該做得完嘅嘢，我用咗4個鐘...唉...火都嚟... >.<

唉...點解部電腦會無端端壞0架???煩死人喇...

兒童生日飯局/活動

為著今日可以安心吃喝玩樂一番，尋晚好努力地完成Philosophical and Sociological Perspectives in Education 份assignment，其實都唔係好知自己打咗啲咩，瞓咗3.5hr，朝早11:30終於完成，其實都幾眼瞓...

開行turbo 做完功課，就搭車出去旺角同廸廸、銓銓、其偉、超、Fanny 一齊食生日飯 (註︰今日係銓銓 & 其偉's b-day)，我哋去咗新世紀廣場一間叫applegreen 嘅餐廳食lunch，啲嘢食都幾精緻、幾好味...

食完lunch，Fanny 先走，我哋5個就轉去太子一間樓上café 玩棋...喺行去嘅途中，巧遇本來有叫、但係唔知點解最後唔知我哋有約嘅同事Kelvin，我哋6個 + 之後join 我哋嘅美貞一齊去玩棋...唉...每次玩益智遊戲就會被人發現我反應遲鈍 + 手腳唔協調，不過可以帶歡樂俾大家我都唔介意嘅... ^.^"

我哋唔係玩咗好耐就撤退，大家分道揚鑣，我同銓銓兩個就繼續去其他地方...我哋之後去咗尖沙咀，因為我近排中咗《High School Musical 3》毒，我喺HMV 訂咗呢套戲嘅soundtrack，所以要出去TST HMV 攞，有得聽喇~ ^o^

之後我哋去咗睇戲，睇《禮儀師之奏鳴曲》，片長131分鐘，好似好長，但係一路睇都唔覺得悶，長期keep 住熱淚盈眶、但係又未喊得出嘅狀態，好感動...散場嘅時候見到大部分女士都眼紅紅，真係好touching...又，呢套戲有久違嘅廣末涼子做女主角，原來佢嘅演技都唔錯，但係呢，原來銓銓唔知廣末涼子係邊個，都話我哋有代溝0架啦...

睇完戲，同銓銓去咗食少少嘢就搭車返屋企...我覺得自己今日好厲害，喺咁唔夠瞓嘅情況下都可以玩足一日，真係貪玩到死...今日玩晒啲quota，聽日又要努力做嘢喇...

A belated birthday dinner for 肥佬哥哥

今日如常工作，放工之後約咗筠姐、Percy、Lolo、肥佬哥哥喺九龍城食飯補祝哥哥18/3生日...本來今晚Ric & Kitty 都會嚟，但係最後佢哋都嚟唔到，冇咗佢兩個我哋餐飯真係靜好多啊~

我哋今晚食泰國嘢，唔知點解啲嘢食好似咸咗啲，所以麻麻地好味...食完飯，我哋有送禮物 + 切雪糕蛋糕環節，個蛋糕真係好硬，哥哥同Lolo 切咗好耐先將個蛋糕切成4件，好搞笑...雖然好凍，不過ok 好味...

飲飽食醉，我哋一齊搭車返大埔，我哋喺巴士高談闊論，好嘈，真係失禮晒... ^.^"

返到大埔，我同哥哥咁耐冇見，又邊行邊傾偈，我哋由10點幾傾到12點，終於update 番哥哥嘅近況，感覺良好...好耐冇試過凈係得我哋兩兄妹談心，多謝哥哥讓我重拾昔日「溫暖」嘅感覺，thanks so much! ^o^

參加魚 & Bill 婚禮 + 再一次被爽約

今朝如常返學，返埋今堂，星期六呢個module 就上完...點解啲lecturer 教得好嘅module 永遠都咁快完?大家都好想繼續上呢堂啊...

放學之後返咗教會練多一陣歌，下晝去魚 & Bill 婚禮...今次係我第一次唱婚禮詩班，又係第一次去中大呢個教堂，都幾靚...魚 & Bill 好sweet，好羡慕佢哋... : )

完咗婚禮，又未夠鐘去飲，自己一個喺沙田閒逛，諗住睇《禮儀師之奏鳴曲》，但係嗰個鐘數冇得睇，冇得睇戲，去咗Haggen Dazs 買咗杯雪糕食...食完再行多陣就去酒樓飲...
除咗銓銓之外，其實我完全唔識其他同我坐同一張枱嘅弟兄姊妹，所以好自然銓銓就成為我惟一嘅傾訴對象...傾傾吓，居然又會傾到關於我嘅一啲秘密，仲越講越深入，余老闆真係深藏不露、觀人於微，咁都俾佢推斷得到，小人真係有眼不識泰山... : P

掛住同銓銓傾偈，呢餐飲宴其實我都唔係幾專心，有少少唔係幾好意思...雖然我唔係識咗魚 & Bill 好耐，其實都唔係好熟，但係我覺得佢哋兩個都係好好嘅人，衷心祝福佢哋白頭偕老、永遠幸福快樂~ ^-^
------------------------------------------------------------------------------------------------
今晚飲完之後又被爽約，一次係咁、兩次又係咁，失望 + 無話可說嘅感覺好強烈...

雖然之後知道箇中原因，明白某人有urgent 事要先處理，但係依然有啲唔開心... 而家只有兩個approaches，我太了解自己，Plan A 我應該做唔到，得番Plan B 可以一試...希望我可以朝住Plan B 方向進發...


P.S. I can feel that someone had some improvement these two days even if he did not tell me. I really appreciate that and please keep it up...

Some happy things

今日如常工作，有幾個開心位置︰

1. 之前打算同Wing Wing 睇謝安琪演唱會，我哋諗住買$200 飛，但係買唔到...尋日知道佢加兩場，今日用Manhattan credit card 可以優先預訂，我就麻煩二姨幫手訂飛，終於買到，有得睇喇~yeah~
   
   
2. 今日差唔多放工嘅時候老細Richard 話突然醒起我下星期就有Supervisor 嚟睇堂，問我不如下星期啲堂俾晒我試吓教好唔好喎...如果佢放心俾我教梗係好啦，都唔知恨咗幾耐，如果佢早啲咁講我上星期就唔使咁沮喪啦... ^.^"
   
   
3. 收到Julissa 喺美國寄俾我嘅請帖 & 餅卡，好surprise 啊~多謝Juli 記得我~
   
   
4. 今日下晝Keziah 老師神神秘秘咁叫我跟佢去Art Room 睇啲嘢，原來佢喺SPCA 個website 見到一隻待領貓女叫Sonia，所以專程過嚟Staff Room 叫我睇...隻貓女都幾靚女，haha~老師好無聊啊~ ^o^

<--Sonia

轉變

近呢幾日開始感受到有啲嘢慢慢轉變緊...而且進展唔錯...

神應該開始作工了...Thanks God...


P.S. 求主保守安慰Angel 一家，同埋我最親愛嘅小姐... : )
-----------------------------------------------------------------------------------------------
呢幾日好鍾意聽一首歌...歌詞其實好有意思...

《年度之歌》 謝安琪

曾經攀上的天梯　曾經擁抱的身體
曾經在乎一切　被突然摧毀　霎那比沙更細
良夜美景沒原因出了軌　來讓我知一切皆可放低
還是百載未逢的美麗　得到過又猝逝　也有一種智慧

全年度有幾多首歌　給天天的播　給你最愉快的消磨
流行是一首窩心的歌　突然間說過就過
誰曾是你這一首歌　你記不清楚　我看著你離座
真高興給你愛護過　根本你不欠我甚麼

曾經擁有的春季　曾經走過的谷底
人生是場輕梯　忽高也忽低　不輸氣勢

全年度有幾多首歌　給天天的播　給你最愉快的消磨
流行是一首窩心的歌　突然間說過就過
誰曾是你這一首歌　你記不清楚　我看著你離座
真高興給你愛護過　根本你不欠我甚麼
誰曾是你這一首歌　你記不清楚　我看著你離座
很高興因你燦爛過　高峰過總會有下坡

回憶裝滿的抽屜　時光機裡的光輝
人生豔如花卉　但限時美麗　一覽始終無遺
回望昨天劇場深不見底　還是有幾幕曾好好發揮
還願我懂下台的美麗　鞠躬了就退位　起碼得到敬禮
誰又妄想一曲一世　讓人忠心到底

Dinner w/ Ric @ Tai Po

今日如常工作，冇乜特別事發生，但係我知自己今日啲情緒又唔係好ok...

之前喺MSN 同Ric 傾咗兩句，佢話佢今晚會入開嚟大埔，所以約我今晚食飯...印象中，今次係事隔多年後我哋第一次單獨食飯...

今晚我哋都傾咗幾多嘢，互相update 近況，佢問完我問題，我又問番佢我想知好多年但係又唔敢問嘅問題，多謝佢咁坦白回答，學佢話齋，我真係好榮幸可以聽到真實嘅答案...

好開心我哋可以咁樣坐低食飯傾偈 (其實係我自己之前未ready 啫)，希望我哋可以keep 住互相關心、互相問候...Hope God bless our friendship!


P.S. 多謝大家嘅細心分析 + 力撐，我知道要點樣調適自己嘅心態/心情...I do my best, God will do the rest...

Gonna be crazy...

今個星期真係好難過，因著各種原因，心情好差...除咗尋日因為要返學、返到屋企已經好攰冇時間冇energy 再諗嘢之外，呢幾日放工返到屋企都有股想喊嘅衝動，之後祈完禱就喊到收唔到聲...喊咗幾日，好攰...

呢排真係比較多嘢煩，e.g. :

1. 4月頭就要睇堂，但係我得番兩次、每次只教半堂嘅「實習」機會，完全冇諗過我嘅「實習期」會短得咁緊要，接住Supervisor 就會嚟睇堂，一諗起到時我會死得好轟烈，啲眼淚就會不自覺地流...要問嘅問題我已經問咗，都改變唔到事實，好無奈 + 好無助...
   
   
2. 今個星期日要交功課，但係冇心機做，又唔係好知點做，進度緩慢...
   
   
3. 今個星期六返學要Micro-teaching，要prepare material...呢樣都係花時間啫，都ok...
   
   
4. 最煩就係呢樣...喺呢啲咁down 嘅時候，好想搵某人訴苦，但係某人都自身難保，佢自己心情都唔好、又唔舒服，當然我又唔好意思再煩佢、再加添佢嘅苦惱...但係當我想關心佢嘅時候，佢又毫無反應，即係代表啲咩呢?覺得我煩、唔想應我?還是佢根本唔需要我嘅關心?好冇用...想知，但係又唔夠膽問，因為我怕知道事實...再咁樣我諗我會黐線...
   
   今晚同Wing Wing 講咗好耐電話，多謝佢聽我訴苦，雖然講完一輪都改變唔到啲咩，但係聽到佢把聲心情好番少少，thank you 芥菜~ : )
   
   
   P.S. 每次好想喊、但係喊唔出嘅時候，開聲祈禱啲眼淚就會如泉湧...感謝天父垂聽我嘅禱告...

Micro-teaching

今日返學唔使上堂，做Micro-teaching，我揀咗下星期先做，今日睇其他同學試教10-15分鐘，從觀摩人哋嘅performance 大約都知道邊種teaching method 好、值得學習，又知道邊啲teaching method 唔太work、最好唔好跟住做...

下星期到我喇，仲未諗到教乜，希望到時唔會太緊張...


P.S. 今日心情唔太好，明明有嘢要做但係又唔想做...死梗...

超沮喪...

今日又喺2E 試教一個Grammar item: It is + adjective + that...

雖然整體上我覺得自己今次嘅表現比上次好，冇上次咁緊張，但係我犯咗一個好嚴重嘅錯誤，好沮喪...我發誓以後都唔會再犯相同嘅錯...太唔小心...

一波未平一波又起，都未沮喪完，老細居然同我講另一個噩耗...唉...點解會咁0架...咁我今次真係死梗... T.T

參加秀筠姐姐的婚禮

今日上晝如常工作，要監考，都ok 冇乜問題...1:15pm 監完考就拿拿聲撤退，因為今日攞咗半日假同媽咪、黃小虹去沙田大會堂參加秀筠姐姐嘅婚禮...

今日係我第一次見秀筠「哥哥」(i.e. 新郎，好無聊嘅叫法) & 宇亮「姐姐」(i.e. 新娘嘅細佬's girlfriend)，nice to meet you all...眼見嚟觀禮嘅大部份都係親戚，雖然唔係好多人，但係大家都好開心...多謝陳太、秀筠姐姐邀請我哋嚟觀禮，祝新娘新郎永遠恩愛、幸福快樂！

-----------------------------------------------------------------------------------------------

觀完禮，我又開始肚餓...我哋去咗麻布茶房食tea，我居然喺tea time 食得落一碗飯，好恐怖...

跟住行咗一陣街，又買咗一堆零食...行到7點半左右我哋就返屋企，食完飯仲食腐竹蛋糖水...咁食法，遲早變豬... : P

蓉蓉去打針

今日下晝媽咪同爸爸夾手夾腳捉蓉蓉入去街袋，帶佢去獸醫診所打一年一次嘅防疫針 + 食杜蟲葯，今次係第一次我冇「陪」蓉蓉去睇vet...

根據媽咪嘅描述，蓉蓉今日唔係太驚，一如以往一打完針就9秒9自己行番入去街袋，如果佢喺屋企都肯咁合作就好喇...

今日磅重，蓉蓉而家4.5kg，都仲未夠10lb，但係點解平時抱佢覺得佢咁重呢?唔明......


P.S. 尋晚輾轉反側咗一陣，最終講咗一個電話就將心裡面嘅擔憂放下...開始了解自己發作嘅pattern，下次就知道應該點做喇...(希望唔會咁快有下次 : P)

Regretting...

經過兩日認真嘅思考，今日講咗我認為要講嘅說話...講之前以為自己有決心，就應該做得到...點知講講吓，居然有種心痛嘅感覺，有啲想喊，好耐未試過...

唉...真係覺得自己好麻煩，點解要將一番令人唔開心嘅說話講咗出口，講完先後悔?或者我只要將心裡面嘅想法講俾當事人知，我個心就會舒服啲，嗰一番傷人嘅說話就可能唔使講出口...

可以當我冇講過今日嘅說話嗎?好對唔住... : (

又，忽然諗起王菲首《曖昧》︰

眉目裡似哭不似哭　還祈求甚麼說不出
陪著你輕呼著煙圈　到唇邊　講不出滿足
你的溫柔怎可以捕捉 越來越近　卻從不接觸
茶沒有喝光早變酸　從來未熱戀已相戀　
陪著你天天在兜圈　那纏繞　怎麼可算短　
你的衣裳今天我在穿　未留住你卻仍然溫暖
徘徊在似苦又甜之間　望不穿這暖昧的眼　
愛或情借來填一晚　終須都歸還　無謂多貪　
猶疑在似即若離之間　望不穿這暖昧的眼　
似是濃卻仍然很淡　天早灰藍　想告別　偏未晚

嫲嫲

今朝返教會上第二堂栽培班，上完同「老師」、「同學」一齊食lunch，食完就出咗去嫲嫲度...

每逢天氣潮濕、打風落雨，嫲嫲就會好腳痛，痛到街都落唔到，買唔到餸...見佢明明好痛又要忍住痛一步一步好慢咁行，但係又唔知可以點幫佢嘅感覺真係好難受...

我明白人老咗一定會有病痛，但係可唔可以唔好咁痛呢?呢種長期病患真係會令人意志消沉...The only thing I can do for her is keep praying...God bless her...


P.S. 已經有咁多嘢諗、咁多嘢煩，對於明知唔會有結果嘅事，就要認真地學習放下，可能由得佢自然流失、自然fade away 會比較好...

遲來的email

今朝唔使返學，瞓到12點幾先自然醒，好爽...

跟住成個下晝留喺屋企閒hea，明明有嘢要做又唔想做，真係死火...

夜晚check email，終於收到IEd Field Experience Supervisor 嘅email，佢話打算30/3 - 8/4 期間嚟睇我堂...雖然開始有壓力，不過感恩嘅係，從字裡行間，我feel 到呢位外籍Supervisor 好nice、好understanding，希望到時佢會感受得到我哋已經盡力做好...

Still have 3 weeks to go，開始好驚... : (

Sing K w/ colleagues

今日好凍，我諗我全日講咗超過5次「好凍...」，坐我隔離嘅Ceamy 老師應該差唔多俾我煩死...

今日如常工作，放工之後約咗同事們 (Incl. 超哥、廸廸、銓銓、其偉、Cindy、仲有我嘅honey Wing Wing) 去旺角唱K，好耐冇唱過K 喇，好興奮...

今晚基本上都係懷舊金曲夜，因為我哋唔係太識唱新歌，聽番啲舊歌真係好好聽...除咗唱歌之外，我哋呢班無聊仔又開始影相、拍video，又係其偉嘅「show time」，真係好黐線...救命... ^_^"

唱完K 未夠10點，時間尚早，我哋去咗一間樓上cafe 飲嘢、玩UNO，原來玩呢啲低B card game 都可以睇到大家嘅真性情，又加深咗對大家嘅了解，幾得意...玩到11點幾大家就撤退一齊去搭火車返屋企...

今晚好開心，如果可以有多啲機會同大家一齊玩就好喇... ^o^


P.S. 今日無端端又有少少傻瓜notion，搞到要不停同自己講「算罷啦...」，搞咩呢...

Dinner w/ Colleagues @ UCC Cafe

今日放學之後S4 考Oral，每次考Oral 之前老細就會同外籍老師火拼，估唔到今次我都不能倖免，逼於無奈地加入戰團...亦因為同外籍老師有少少argue，搞到呢兩日心情唔知點咁，怪怪的...下星期一、二到S6 考Oral，希望到時大家通力合作，順順利利考完就好...

----------------------------------------------------------------------------------------------

今日考完Oral 差唔多6點，約咗Ceci、Kenise、Michelle、Candy 去沙田食飯鬆一鬆...我哋今晚又去咗UCC Cafe 食飯 (係我suggest 去呢度食，因為我又想食沙律 : P)...

我哋5個人叫咗5個set，另加3個沙律，以為一人食少少應該食得晒，點知經過一番努力 (尤其係我嘅努力)，都係食唔晒，好0徙嘢，下次都係唔好叫咁多個set 喇...

今晚我哋好黐線，講咗好多爛gag，笑到肚痛，e.g. 專訪「慧思」涉嫌藏毒被捕後嘅心路歷程；探討到底「誰是Do Do」(呢個真係爆笑 ^o^)；商討「如何讓校長以為明天有黑色雷暴警告」，咁大家就唔使返工返學，大家諗嘅時候真係好認真，講到似層層，真嘅一樣，如果真係要做咁大場戲先可以休息一天，咁不如返工好過喇...嘩哈哈~我諗我哋勁笑咗差唔多10分鐘，好辛苦... : D

今晚鬆咗一鬆，笑咗一大餐，心情舒暢不少...明天繼續努力工作... : )

康復

今晚心血來潮睇咗啲6年幾以來都唔敢睇嘅嘢，原來睇咗都冇乜唔好嘅感覺，我諗我真係完全康復...Keep it up! ^-^

其實呢，都要好認真地多謝一個人，雖然佢都有令我唔開心嘅時候，但係佢嘅出現真係幫到我好多...Thanks so much!

久違了的Converse

呢期keep 住眼瞓mode，今朝好辛苦先起到身返學...歡樂嘅時間過得特別快，星期六呢個module 話咁快就上咗7堂，仲有3堂就上晒，完晒又要做功課，呢個module 唔好咁快完得唔得呢?haha...

放學之後去咗大埔中心食lunch，想食檬粉想咗幾個星期，今日終於食到，好味... : P

食完行咗一陣街，經過Converse 專門店，50% off 真係好吸引，最後都係忍唔住買咗一對...記得對上一次著Converse 應該係大約3年前，因為3年前開始腳痛，去咗睇醫生，醫生話可能我著得太多Converse 著壞腳，所以當時好狠心地一次過掉晒4對Converse，一直到而家都冇再著過...嗯...我諗間中著吓應該唔怕啩...最多痛一陣啫...

------------------------------------------------------------------------------------------------

今晚返教會練前團契組長嘅婚禮詩班，今次係第二次練習，今晚個instructor mild 好多，冇上次講嘢咁harsh，感覺好好多...我覺得我哋今晚唱得幾好，比上次進步咗好多、好聽好多...大家要加油啊~ ^-^

好想去雲南...

前日同事超哥無端端問我有冇興趣Easter 去旅行，我問佢去邊度先，佢話佢想去雲南...噢~真的嗎?終於有人想去雲南喇~我由Year 1 已經恨去雲南恨到而家0架喇，第一次有人主動話想去...

雖然而家都仲係好初步嘅planning & recruiting 階段，去唔去得成都未知，不過諗吓都開心...希望可以recruit 多幾個人一齊去啦，瀘沽湖真係好好好靚0架~ : D


P.S. 呢排渴睡症又發作，隨時都瞓得著，好恐怖...

A tiring but happy day

今日有3件事值得記低...

1. 今朝睇到Panel Head Richard 喺我份appraisal 上面寫嘅嘢，有少少開心 + 受之有愧...真心覺得老細咁寫有啲誇張，但係再聽埋佢之後嘅comment，又覺得以佢呢個角度去assess 我呢個人，有咁嘅comment 就好正常...都係嗰句啦，因為我係傻0架嘛，所以先會咁0架咋...Anyway, 好多謝Richard (仲有其他佢mention 過嘅老師) 對我有咁正面嘅評價... ^.^
   
   
2. Lunch 嘅時候見到應該冇飯食嘅Ceci 食緊飯，一問之下，原來Richard 知Ceci 今日應該冇飯食，今朝返工嘅時候專登去買盒飯俾Ceci...我哋呢個Panel 真係好好，我哋有個好好嘅老細啊... T.T
   
   
3. 今日同學Gladys 話我知原來可以上網check 成績，我哋兩個傻妹一齊攞住個電話一齊check，等啲page loading 嘅時候真係好緊張...雖然成績唔係十分好，但係最驚會唔pass 嗰個module 都有B-，都算係咁...

雖然今日放工之後要返學，有少少攰，不過都幾開心... ^o^

Dinner w/ colleagues @ Mongkok

今個星期有少少忙，因為下星期啲學生開始考oral，又要prepare 考oral 啲嘢，啲嘢濕濕碎碎，唔快啲做又驚唔記得，有啲攰...

今日放工之後約咗老師們去旺角食飯，本來有8個人可以出席，但係最後得番5個 (Incl. Michelle, Ceci, Gene, Candy & me)...
我哋去咗一間叫笑笑嘅日本居酒屋，呢間嘢嘅menu 有少少似和民，都ok 好味，我覺得我點嗰杯紅豆綠茶奶昔好好飲，有機會可以再去試埋其他嘢食... : P

食完飯我哋去咗教協shopping，老師們買咗幾支mic + 幾條mic 線，我同Michelle 就一人買咗一個手袋鈎，好搞笑，我都係第一次見呢樣嘢，Michelle 話見過人哋飲茶嗰陣用嚟掛手袋，好似好elegant 咁，我都貪得意買咗一個俾媽咪...

Shopping 完大家就各自歸家喇...雖然今晚唔係好齊人，但係都幾開心... : )


P.S. 一個多嘢諗嘅人無時無刻都可以不停諗好多無謂嘢，可唔可以停一停呢? >.<

Gathering w/ MST old friends @ 黃梓君's home

上次同好耐冇見嘅莫記同學食完飯之後，約定今日又再一聚...

我哋今日plan 咗去黃梓君屋企玩，喺集合前我同Able 發生咗啲小意外...

話說我哋喺新達百佳買完零食搭escalator，差唔多落到地面嘅時候，Able 停低、踎低咗，哎呀~原來Able 好闊嘅褲腳「攝」咗喺escalator 梯級與轉角位之間，我初時以為佢好快會扯得番條褲腳出嚟，點知過咗差唔多1分鐘都仲未扯到，我就去叫CS 姐姐幫手，佢按停咗部escalator 但係都扯唔到條褲腳出嚟，最後要撕爛條褲腳先叫做冇事...(題外話︰我成日都覺得近得我多嘅人，唔多唔少都會遇到啲奇怪 / 尷尬事，都係我唔好...=.=)

Able 條褲爛咗，我陪佢返屋企換褲，咁啱Victor 哥哥又上咗去，好耐冇見哥哥，我哋傾咗一陣偈，之後我同Able 就出發去黃梓君屋企...

----------------------------------------------------------------------------------------------

今日總共有11個人出席 (Incl. 吳進華、Jack、May 姐、Emily、蘇詠雯、黎秀慧、咖哩、藍逸如 & her bf Tommy、Able、黃梓君、我)，都算多人喇...(唔好意思，叫慣大家全名 ^-^)

我哋玩7級豬，唉~以我嘅反應 + 狼死嘅程度，真係唔夠佢哋玩，佢哋真係好黐線，我都係第一次見人玩7級豬會玩到隻手俾人抓到損晒、膝頭哥又撞到瘀晒 (我都瘀晒，好痛)，不過真係好好笑...
之後打麻雀嘅打麻雀、唔打嘅就玩UNO，玩到7點左右我哋食盆菜 + pizza，有啲奇怪嘅配搭...食飽之後仲為4位「二月天」壽星切蛋糕慶生，個朱古力蛋糕好好味...食完蛋糕我哋終於有靜態嘅時候，我哋一邊睇電視一邊傾吓閒偈，坐到10點半左右就走喇...

今日可以見到大家，又有吳進華陪我一齊諗爛gag，好好笑...希望今日唔舒服嚟唔到嘅同學快啲好番啦... : )

Headache on St. Valentine's Day

可能呢兩日比較多嘢諗，臨瞓之前又睇咗啲唔知睇嚟做乜嘅嘢，所以又發埋啲奇奇怪怪嘅噩夢...

今朝起身返學嘅時候有少少頭痛，食咗粒Panadol 舒服啲...

希望今晚會瞓得好啲啦... : )

To all my friends:
Happy Valentine's Day!!! ^-^

Wing Wing 突擊靈糧

今日係星期三，本來要返學，但係因為大家都超唔想返廢sir 呢堂，所以上個星期六已經同5、6個同學夾好今日大家都唔返學，有啲曳...

放工嗰陣正想返屋企之際，收到銓銓嘅電話，佢話有個驚喜，噢~原來係Wing Wing 返咗嚟學校，電話都冇個，真係big surprise~ (Wing Wing 話佢其實打過好多次電話俾我，不過打極都唔通，今日個電話收得好差...)

之後Wing Wing 同Fanny、Sam 傾咗一陣偈，6點幾超哥、銓銓 、Wing Wing & 我4個人踱步行咗去大埔墟某間茶餐廳食飯，原來茶餐廳都可以容許我哋坐咁耐...
多謝「超夫人」為我哋呢兩個問題少女 (Wing Wing 都仲係少女嘅，我就... ^.^") 解答咁多感情問題...

同超哥、銓銓道別之後，Wing Wing 陪我行返廣福，我哋坐咗喺巴士站隔離啲櫈傾咗成個鐘偈...都係嗰句，芥蘭永遠支持芥菜... ^.^


P.S.1︰多謝Wing Wing 喺日本帶返嚟俾我嘅手信，成日都有嘢食，so good~
P.S.2︰今日係Able 生日，希望佢身體健康、工作順利、日日都開心~God bless my dear friend!

說故事

每個人都有自己嘅故事，如果要將幼稚園、小學、中學、大學階段所發生過嘅有趣、難忘、難過事原原本本講一次，我諗講3日3夜都講唔完...

今日聽咗好多故事，又講咗好多故事，又引發起少少反思...

又開始諗嘢... =.=

"But one thing I do: Forgetting what is behind and straining toward what is ahead, I press on toward the goal to win the prize for which God has called me heavenward in Christ Jesus." (Philippians 3:13-14)

Dinner w/ 小組姊妹@ 元宵節

尋日返團契嘅時候同小組嘅姊妹傾開不如搵晚約出嚟食吓飯，適逢今晚係元宵佳節，我哋又冇約人 (實情係冇人約)，今晚我哋一行6人 (Incl. Fanny、Tina、美儀、Elsa、Clara) 去咗沙田UCC Cafe 食飯...

UCC 啲salad 幾好味，Tina 好厲害，佢出咗去salad bar「畢」咗兩次salad，兩次都裝到山咁高，我哋6個人都夠食...好勁!

今日Tina 全日都頭痛，我哋食完飯之後諗住搵個地方坐低為Tina 祈禱...行行吓，又行咗去沙田大會堂出面啲樓梯，為Tina 祈完禱我哋就一齊搭火車返屋企...希望Tina 聽日會好番啲啦...

今晚可以同新相識冇幾耐嘅姊妹一齊食飯，感覺不錯，下次再約過... : )

飢饉三十又來了

今日聽903，聽到幾位飢饉之星喺尼泊爾飢饉之旅嘅訪問，先記起原來而家又係報名參加飢饉三十嘅時候...

記得仲讀緊degree 嘅某一年，我同黃小虹都報咗名參加，不過我哋揀咗留喺屋企飢饉，一開始嘅時候都冇乜嘢，但係過咗4、5個鐘之後，我個肚又開始「咕...」，最後我都係忍唔到口食咗嘢...諗番都覺得自己冇用，大食積又點會捱到肚餓吖... ^.^"

今年都係參加飢饉一餐算喇... : P

香港世界宣明會 - 飢饉三十︰
http://30.worldvision.org.hk/index.asp

903 飢饉之旅blog︰
http://30famine2009.blog.my903.com/index.php

到Percy、Lolo 家拜年

今日如常工作，臨放工之前又看留堂班，啲細路好嘈，又嗌到有少少喉嚨痛...希望星期一唔使再看啦... : )

放工之後約咗Kitty、Didi、Ric、筠姐、肥佬哥哥上Percy、Lolo 屋企玩...我哋又叫pizza 食 (註：我今個星期已經食咗3餐pizza，計埋呢餐係第4餐，wahaha...)，我哋一邊睇電視一邊傾偈，我覺得自己今晚有少少失控，我又勁講爛gag，最慘係連Ric 都一齊發功，搞到我更加肆無忌憚，笑到有少少肚痛...

食完pizza 我哋仲食生果，啲士多啤梨好甜，好味~食完生果我哋一齊睇埋《耳分高下》先走，11點就撤退喇...好耐未試過咁齊人，可以見到大家好開心啊~ ^o^

特別鳴謝︰
- 彭生彭太嘅招待 + 利是；
- 筠姐專程喺屋企帶嚟嘅白烚西蘭花 + 椰菜花，thank you so much~ ^.^

望穿秋水之《白銀帝國》

早幾日睇報紙知道已經拍好兩年、Aaron 做男主角嘅《白銀帝國》2月12日喺柏林國際電影節首映，終於有聲氣喇，好感動~不過有少少唔明，喺柏林影展首映，咁喺香港戲院有冇得睇呢?

等咗咁耐，如果冇得睇會好失望...希望遲啲會有好消息... : )

《白銀帝國》official website:

http://www.empireofsilver.com/tw/index.htm

A song that I love to sing for these two days...

《Singalongsong》 Khalil Fong
I wrote this song it's not too long
cos' I've been thinking about you
I wrote this song maybe I'm wrong
To be caught up about you
Well I don't know what you think about me
Maybe you think nothing at all
But maybe you could just lie to me
And we could be in love you see

Oh it's a singalong song that's not too long
It's when I think about you that I hear songs
And you can singalong maybe if you want to
Cos' baby I wrote this I wrote this for you

I wrote this song it's not too long
cos' I'm the one who loves you
I wrote this song this can't be wrong
I don't wanna smile without you
Well I just want to make you happy
but maybe you want nothing at all
and how I wish that you're meant to be
forever and a day with me

Oh it's a singalong song that's not too long
It's when I think about you that I hear songs
And you can singalong maybe if you want to
Cos' baby I wrote this I wrote this for you

In everyway you mean more to me
than you'll ever know
girl I'll do my best to show these words are true
and if you'd like to make a song
and be a perfect harmony with me
I'd find the greatest words to sing
so we could write our own romance

Oh it's a singalong song that's not too long
It's when I think about you that I hear songs
And you can singalong maybe if you want to
Cos' baby I wrote this I wrote this for you