電腦壞了

今朝太眼瞓起唔到身返中堂崇拜，所以11:30就直接返教會上栽培班...上完就去咗新達同阿姨婆婆佢哋飲茶...

今朝媽咪想開我部notebook 上網，但係部電腦突然完全冇反應，機都開唔到...聽日Professor 就嚟睇我堂喇，今日仲急住用電腦整教材，飲完茶惟有拿拿聲拎部電腦去寶湖睇吓有冇得救...問咗兩間舖頭，兩間都話要換底板，要放低部機幾日，唉...咁我點做嘢呢?

拎番部壞機沮喪地返到屋企，惟有試吓開另一部舊notebook，呢部機中毒中得好厲害，啲毒係咁彈出嚟，又load 得慢，但係總算開到Word & PowerPoint，惟有無奈地用呢部毒腦整教材，原本兩個鐘應該做得完嘅嘢，我用咗4個鐘...唉...火都嚟... >.<

唉...點解部電腦會無端端壞0架???煩死人喇...