急診

今日晏晝同阿姨婆婆佢哋飲茶,之後返咗屋企hea 咗陣,夜晚就同小姐、Wendy 喺沙田食飯,好味好味…

之後如常同兩位美女搭火車返屋企,返到大埔墟火車站等巴士嗰陣忽然覺得隻右眼好痕,於是就唔覺意好出力咁捽咗兩下眼,跟住就覺得隻con 好似唔見咗,睇嘢好朦…返到屋企搞咗一陣都整唔到隻con 出嚟,媽咪幫我整咗差唔多10分鐘都整唔到,搞搞吓我都唔知隻con 係跌咗,定係攝咗喺眼皮上面,穩陣起見,媽咪陪我去那打素睇急症,好彩冇乜人睇,唔使排隊就可以見醫生,醫生滴咗啲黃色眼葯水落我隻眼度,唔使10秒就幫我攞番隻con 出嚟…由出發去那打素到返埋屋企前後都唔使半個鐘,好彩冇人睇急症,如果唔係實俾媽咪哦死...

我咁大個人都係第一次睇急症,真係樣衰,希望唔會有下次… ^.^”