又係Aaron + 媽咪牛一

尋日同今日都好似好忙咁, 今晚Aaron、阿仔、徐天佑去大埔超級城宣傳<父子>, 我就帶埋相机好傻仔咁逼埋去啲人堆度等Aaron 佢哋嚟, 好彩等咗唔係好耐佢哋就坐住架開蓬跑車入場, 我就好努力咁企喺人堆中影相影相影相...跟住個口水佬又好長氣咁講嘢同玩遊戲, 仲同阿仔玩得好開心...阿仔好cute 好靚仔, Aaron 應該几錫佢... ^.^

睇到咁上下啲傳媒開始訪問佢哋, 咁我就走喇(個口水佬都唔知講几耐先講完 : P), 然後就同媽咪黃小虹去和民食飯慶祝媽咪今日50大壽, 仲買咗兩件蛋糕一齊吃, 好味好味~

食完飯我哋就返屋企lu, 好開心, 有得見Aaron, 又有得食蛋糕, 祝媽咪身體健康, 工作順利... ^o^