金馬影帝 - 郭富城

今日返半晏, 下晏喺屋企執嘢...7點几就去咗表姐屋企睇金馬獎頒獎典禮, 同表姐兩個叫咗啲外賣一路睇一路食...
睇到10點几終於頒最佳男主角, 几驚真係爆冷, 好開心啊~今年又係Aaron 冧莊, 除咗「阿爸」得獎之外, 「阿仔」吳景滔都攞咗個最佳男配角, 兩父子都好叻, 不枉我專程去表姐度睇佢攞獎...不過個口水佬真係超級長氣, 又講得慢, 真係失禮人... : P
除咗最佳男主角、最佳男配角之外, <父子>仲攞咗個最佳劇情片, 總共3個獎, 好犀利, 應該真係好好睇...<父子>11月30日就上畫喇, 好緊張好期待, 我諗我應該會睇多過一次... ^.^

興奮過後返到屋企11點几, 接到Julissa 嘅來電, Juli 好唔開心, 傻妹唔好再喊喇, 趁未作出任何錯誤決定之前諗清楚下一步應該點做都好緊要, 再睇情況啦, 唔好太唔開心, 無論如何我都會支持你0架, 加油加油... : )


P.S. 尋日24/11 有兩位美人生日, 小姐& Percy 生日快樂!