我個膊頭...痛...

尋晚放工返到屋企, 左邊膊頭個骹位就開始痛痛地, 初時冇為意, 以為瞓醒一覺就會唔痛, 點知今日仲痛過尋日, 郁一郁就痛, 唔郁都赤赤地, 都几痛...唉...

有見及此, 今日就去咗影碟舖 (其實係賣大陸CD 嘅影碟舖) 買咗兩隻教師發展日跳嗰啲舞嘅VCD, 諗住一嚟可以郁動吓減吓肥, 二來可以郁吓啲手腳, 個膊頭可能會冇咁痛...頭先跳咗40分鐘就跳到出晒汗, 真係唔錯, 最搞笑係教跳舞嗰個導師不停重複一句︰「你跳亂了沒關係, 只要你跟着動就好!」又俾佢知道人家跳到亂晒, 不過跳咗一陣好似真係鬆啲冇咁痛...希望過多兩日唔再痛就好喇...


P.S. 今日去大埔墟嗰間匯豐銀行, 喺counter 等緊個staff 幫我搞手續嘅時候, 突然見到威威企喺個staff 後面"yapp"晒手咁無聲地叫我, 好搞笑, 原來威威去咗匯豐做teller, 真係好久不見...