不太順利的一天

今日全日都好似有少少阻滯咁, 感覺唔多好...

首先, 今朝返工嘅時候, 一路行個肚一路隱隱作痛, 返到學校去完洗手間好返啲, 但係之後成朝個肚都仲係赤赤地, 唔知點解... T.T

跟住晏晝一路做嘢都冇乜特別事發生, 但係做做吓我部電腦被人徵召咗去活動室, 冇咗部電腦真係咩都做唔到, 好無奈...

再跟住到放工嗰陣, 諗住去廁所遮架攞返把遮出發走人, 入到廁所, 我把遮唔見咗, 好沮喪......唉, 唔知邊個咁「唔覺意」攞咗我把遮, 好彩咁啱有老師諗住搭的士去廣福, 我就跟車一齊走, 如果唔係咁大雨都唔知點走......

雖然以上事項只係芝麻綠豆嘅小事, 但係夾夾埋埋搞到心情唔多愉快, 希望听日會順利啲... ^.^