學校的畢業典禮

今日係學校畢業典禮嘅大日子, 經過各人連日來嘅準備, 呢日咁特別嘅日子終於來臨...今日位位老師都悉心打扮, 人人都好開心、好精神咁出席, 感覺真好...

一般嚟講, 喺畢業典禮進行期間, 老師們會着住畢業袍坐喺台上面睇住成個頒獎過程, 但係由於有一部份老師要喺台下幫手上唔到台嘅關係, 唔夠老師坐台, 我哋几個TA 又奉命拿拿聲着起件畢業袍一齊上台坐...喺「柔和」嘅黃色射燈照射之下, 除咗有少少熱之外, 唔知點解越坐越眼瞓, 真係差少少就瞓着, 希望冇人發現... : P

我仲以為我呢世人除咗副學士& Degree 畢業嗰陣有机會着畢業袍之外, 應該唔會再有机會着畢業袍, 點知原來仲有得着喎 (我着嗰件係紅色邊0架, 同我Degree 時着嗰件一樣0添0架), 好感動...

雖然我唔係好認識今日嘅中五中七畢業生, 但係見到佢哋好乖咁大大聲唱詩, 又跟住牧師帶領同老師講多謝, 嗰一下真係有少少眼泛淚光, 我真係好渣呢... ^.^"