Surprise!!!

今日差唔多放工嘅時候, 校務處嘅秘書小姐神神秘秘咁叫我落去搵佢, 又唔話我知咩事喎, 一路行落去嘅時候一路諗︰「死喇, 會唔會係做錯嘢呢?」
落到去, 佢笑笑口咁俾封信我, 唏...原來係有人工加...嚇得我吖...跟住老細同我講番呢件事, 仲叫我見到校長就同佢講聲多謝...點知轉個頭就見到校長, 我就同佢講多謝啦, 佢仲同我握手0添, 好搞笑... : P

從老細口中又知多咗少少大家對我嘅評價, 原來真係只要做好自己, 其他人都會感覺到你用心去做0架...總之就多謝大家嘅認同& 鼓勵, 我會繼續努力0架喇...呵呵呵~ (又開始發癲... ^o^)


P.S. 今日其中一位好好人嘅miss 過咗嚟我個位同我傾偈, 雖然唔係傾咗好耐, 但係同佢傾偈嘅感覺好舒服...希望我都可以成為佢口中所講又乖、又馴服嘅貓啦... ^.^