我的右腳

今朝行返工嘅時候, 右腳腳板底開始隱隱作痛, 返到學校睇過, 又好似冇乜唔妥...但係經過一日嘅走動之後, 放工嘅時候真係痛到不得了, 一睇之下, 唉, 原來我腳板底生咗粒雞眼...噢, 原來真係好痛, 試想像當你用正常嘅力度行每一步路嘅時候, 疼痛嘅位置就會受壓, 每行一步就痛一下, 如果唔就住啲力嚟行就會痛到飛起... >.<
爸爸話行得多就會生雞眼, 諗諗吓呢几個月我都真係行得几多路, 日日都走上走落十几廿次, 再加上着埋啲又刮腳又窄嘅皮鞋, 想唔生嘢都几難...爸爸呢位過來人俾咗醫生開俾佢嘅雞眼藥膏我搽, 希望快啲好番, 如果唔係有排痛... T.T


P.S. 尋日我去書局睇書, 見到璇璇寫嗰篇文章, 叫<難忘你的叮嚀>, 作為一個膚淺嘅讀者（我讀書唔多, 唔敢亂俾comment）, 我覺得璇璇寫得好有感情, 依我嘅愚見, 如果璇璇用多少少四字詞 / 成語可能會更好...總之都係嗰句啦, 璇璇好叻女啊, 要繼續努力啊~ ^o^